6 მარტს კავკასიის ეთერში ბენო ქაშაკაშვილმა ოკუპირებული ტერიტორიების შესახებ სკანდალური განცხადება გააკეთა.

პარტია „კანონი და სამართალის“ დამფუძნებლის, თაკო ჩარკვიანის რეპლიკაზე, რომ „ქართული ოცნების“ მმართველობის პერიოდში „იმდენივე ტერიტორია წაგვართვეს წყნარად მშვიდად“, რაც ომის პერიოდში. ბენო ქაშაკაშვილის პასუხი იყო რომ "გადმოწიეს ჰა, ჰა 500 მეტრი"

„იმდენივე ტერიტორია როგორ წაგვართვეს, გადმოწიეს ჰა, ჰა 500 მეტრი. ქვეყნის 30% დავკარგეთ ამდენი არ გვინერვიულია... როგორ მოვიქცეთ? კრემლს შევუტიოთ, თქვენმა პარტიამ შეუტიოს. როგორ შეიძლება? აიღე თოფი, ჩადი კრემლში და შეუტიე მერე, შევარდი შიგნით. ერთადერთი მთავრობაა შვიდი წლის მანძილზე, რომელიც ომში არ გაეხვა.“- განაცხადა ბენო ქაშაკაშვილმა.

ბენო (ბენედიქტე) ქაშაკაშვილი 2016 წლის საპარლამენტო არჩევნებში „ქართული ოცნება-დემოკრატიული საქართველოს“ პროპორციული სიით იღებდა მონაწილეობას. ის სიაში 53-ე ნომერი იყო.

ქაშაკაშვილი არის ოცნების შემომწირველთა სიაშიც, 2016 წლის სექტემბრის თვეში მან მმართველ გუნდს თანხა 2500 ლარი ორჯერ შესწირა.

ბენო ქაშაკაშავილს მინიჭებული აქვს „საქართველოს სპორტის რაინდის” წოდება, ის იყო ევერესტზე პირველამსვლელი ქართული ჯგუფის ხელმძღვანელი და არის პირველი და დღემდე ერთადერთი ქართველი, რომელმაც ყველა კონტინენტის უმაღლესი მწვერვალი დალაშქრა.