საქართველომ და ფიჯიმ უვიზო მიმოსვლის შესახებ ხელშეკრულება გააფორმეს

პოლიტიკა - 12:32, 07 Mar, 2019

846

საქართველომ და ფიჯიმ უვიზო მიმოსვლის შესახებ ხელშეკრულება გააფორმეს. ინფორმაციას ამის შესახებ ფიჯის საგარეო საქმეთა სამინისტრო ავრცელებს. როგორც უწყების მიერ გავრცელებულ განცხადებაშია ნათქვამი, უვიზო მიმოსვლის შესახებ შეთანხმება მნიშვნელოვნად გააფართოებს შესაძლებლობებს ვაჭრობის , ინვესტიციების და ტურიზმის სფეროში და გააძლიერებს დიპლომატიური ურთიერთობას.

შეთანხმებას ოფიციალურად ხელი მოაწერეს ფიჯის თავდაცვის, ეროვნული უშიშროებისა და საგარეო საქმეთა მინისტრმა ინია სერუირატუმ და საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა.

ფიჯის სახელმწიფო წყნარი ოკეანის სამხრეთ–დასავლეთით, ამავე სახელწოდების არქიპელაგზე მდებარეობს. მოსახლეობის რაოდენობა 912,241-ია.

ფიჯის რესპუბლიკა, რომელიც მდიდარია ტყეებით, მინერალებით და თევზის რესურსებით, წყნარი ოკეანის ერთ-ერთი ყველაზე უფრო განვითარებული კუნძულოვანი ქვეყანაა.

ტურიზმი — ყველაზე მზარდი განვითარების დარგია ფიჯის ეკონომიკაში. ფიჯი განთქმულია თავისი კუნძულ

ოვანი კურორტებით, ქვიშოვანი პლაჟებით და ოკეანური ხედებით, ასევე ფლობს სიგრძით მეორე მარჯნული რიფების ჯაჭვს.

ფიჯის ექსპორტის ძირითადი დარგებია შაქარი, ტექსტილის ნაკეთობები, ოქრო, თევზი, მელასა, პალმის ზეთი; იმპორტის — სამრეწველო საქონელი, დაზგები, სატრანსპორტო საშუალებები, ნავთობის პროდუქცია, საკვები საქონელი, ქიმიური მრეწველობის საქონელი