„თიბისი ბანკის“ საქმე - საქართველოს ეკონომიკის მინისტრის გიორგი ქობულიას განცხადებით, იგი მიესალმება ყველა ნაბიჯს, რომელიც პრობლემის მოგვარებას დააჩქარებს, აღნიშნული კომენტარი მინისტრმა ჟურნალისტის კითხვის საპასუხოდ გააკეთა, რომელიც დაინტერესდა თუ რა შეხედულება აქვს მას საქმეზე პარლამენტის საგამოძიებო კომისიის შექმნის თაობაზე:

„მგონია, რომ რაც უფრო სწრაფად მოხდება ამ საკითხისა და ამ პრობლემატური დისკუსიის დასრულება, მით უფრო კარგი იქნება ჩვენი ქვეყნისთვის და ყველა ინვესტორისთვის. ამიტომ მე მივესალმები ყველა ნაბიჯს, რომელიც დააჩქარებს ამ პრობლემის მოგვარებას”, - განაცხადა ქობულიამ.