"9 წლის ცალსახა სტიგმატიზაცია არის რუსული ინტერესი... ივანიშვილმა ქურდის ქურდი, მუმია მოაბრუნა პოლიტიკაში და სახელმწიფო ინსტიტუტებს თავზე დაასვა"

პოლიტიკა - 22:00, 06 Mar, 2019

1495

ქვეყანაში არსებულ პოლიტიკურ ვითარებას სოციალურ ქსელში ეხმაურება გაერთიანებული ოპოზიციის "ძალა ერთობაშია" ერთ-ერთი ლიდერი, ედპ-ის თავმჯდომარე ბაჩუკი ქარდავა, რომელიც აცხადებს, რომ ივანიშვილის ხელისუფლებამ ქვეყანა კრიმინალურ სახელმწიფოდ გადააქცია.
"თუ გვინდა, რომ სწორი დასკვნები და მართებული პოლიტიკური ნაბიჯები გადავდგათ, ერთი რამ უნდა ვაღიაროთ, განსაკუთრებით მათ, ვინც გულში აღიარებს და ღიად თქმის კომპლექსი აქვს. გვინდა არ გვინდა, ეს არის რელობა, მოცემულობაა, რომ წინა 9 წლის განმავლობაში შეიქმნა ინსტიტუტები და ჩამოყალიბდა სახელმწიფო. რა ახლდა ამას თან, შეცდომები თუ გადაცდომები, რომელიც ხშირ შემთხვევაში დანაშაულებებში გადადიოდა, ეს მიზერია იმ მთავარ საკითხთან, რასაც ჰქვია კრიმინალური სახელმწიფოდან ინსტიტუციონალურ სახელმწიფოზე გადასვლა . ისიც მოცემულობაა, რომ ამ 9 წლის სტიგმატიზაცია არის რუსული ინტერესი, რომლისთვისაც ეს ეპოქა, რომელიც სრულად ორიენტირდა დასავლეთზე, კრემლის თავსატეხად იქცა.
ახლა გეტყვით, რამ მაიძულა ამის დაწერა - ისედაც ვიცოდით, რომ ქვეყანას პრემიერ-მინისტრი არ ჰყავს, პარლამენტის თავმჯდომარე სასაცილოდ იქცა, გაბახებულია პრეზიდენტის ინსტიტუტი და ეს არ გვაკმარა - ქურდის ქურდი, მუმია მოაბრუნა პოლიტიკაში, რომელიც ამათზე ყველაზე მაღლა დადგება, სახელმწიფო ინსტიტუტებს თავზე დაასვა - არაფორმალური მმართველის „მოადგილე“. შედეგი არის ის, რომ ინსტიტუციონალური სახელმწიფოდან გარდავიქმენით კრიმინალურ სახელმწიფოდ. ამაზე გაჩუმება არათუ დაუშვებელია, არამედ დანაშაულიცაა. ამ ნგრევაზე ვაგებთ პასუხს თითოეული ჩვენგანი, ვინც არ გავაკეთებთ იმ მაქსიმუმს, რისი გაკეთებაც შეგვიძლია." - წერს ბაჩუკი ქარდავა.