„კლანია, დატოვოს მოსამართლეთა კორპუსმა... ესე ვერ დალაგდება“- ლევან მურუსიძე NGO-ებს სიტყვებს უწუნებს

პოლიტიკა - 18:49, 06 Mar, 2019

998

არასამთავრობოების კრიტიკას თბილისის სააპელაციო სასამართლოს მოსამართლე ლევან მურუსიძე გამოეხმაურა. მურუსიძის თქმით, მისთვის მიუღებელია არასამთავრობოების მხრიდან ულტიმატუმის ენით საუბარი და ისეთი სიტყვების გამოყენება როგორიც არის კლანი:

„როდესაც იმაზე ვსაუბრობთ, რომ სასამართლო სისტემა უნდა დატოვოს 20-მა მოსამართლემ, 30-მა მოსამართლემ, ეს არის კლანი... ესე ვერ დალაგდება. არასოდეს ჩემი მხრიდან პირადად არასამთავრობოების მიმართ შეურაცხყოფა არავის არ გაუგონია. შეიძლება მეც მაქვს ჩემი პოზიცია. კლანია, დატოვოს მოსამართლეთა კორპუსმა, ეს გააკეთოს, ესეთი ულტიმატუმებით საქმე ვერ გაკეთდება. ამიტომ რა პატივისცემასაც სასამართლო კორპუსი გამოხატავს ზოგადად ამ პერიოდში, გნებავთ არასამთავრობოების მიმართ, კონფერენცია რომ ჩავატარეთ, ერთი არასამთავრობოს წარმომადგენელიც არ მოსულა. აი სად არის ვთქვათ "საერთაშორისო გამჭირვალობა’, „საია“ მოვიდნენ და ისაუბრონ , მოუსმინონ მოსამართლეებს. "-განაცხადა ლევან მურუსიძემ.

განცხადება ლევან მურუსიძემ მოსამართლეთა შერჩევის კრიტერიუმებზე მომუშავე ჯგუფის მორიგი შეხვედრის დროს გააკეთა, რომელსაც კოალიცია ”დამოუკიდებელი და გამჭვირვალე მართლმსაჯულებისთვის” შემავალმა ორგანიზაციებმა ბოიკოტი გამოუცხადეს.