საქართველოს მეხუთე პრეზიდენტი სალომე ზურაბიშვილი ანგარიშს პარლამენტსი წიანშე ოპოზიციის გარეშე წარადგენს. მას ბოიკოტი „ერთიანი ნაციონალური მოძრაობის“ შემდეგ „ევროპულმა საქართველომაც“ გამოუცხადა.

„იმის გამო, რომ „ევროპული საქართველოს“ აზრით წინა ჩატარებული საპრეზიდენტო არჩევნების დროს, ივანიშვილის ხელისუფლებამ მიმართა ამომრჩევლების მასობრივ მოსყიდვას, ცინიკურ მასობრივ მოსყიდვას, ძალადობას და კრიმინალური სამყაროს დახმარებას, ხმის მიცემის ფარულობის მასობრივ დარღვევას, ბიულეტენების პირდაპირ ჩაყრას, იმის გამო, რომ ამის შედეგად არავინ დღემდე არ დასჯილა, იმ შემთხვევებშიც კი, როცა მტკიცებულებები სახეზეა და ვიდეოზეა აღბეჭდილი, იმის გამო, რომ ივანიშვილის ხელისუფლებამ მეორე ტურისას განსაკუთრებით წინ წამოწია შავრაზმული, პროპუტინული რაზმები და აწარმოა სიძულვილის და დაშინების კამპანია, იმის გამო, რომ ამ ყველაფერმა შეურაცხყოფა მიაყენა ჩვენს ამომრჩეველს და საზოგადოებას, შელახა ჩვენი კონსტიტუციის ფუნდამენტური პრინციპები და დააზიანა ჩვენი ქვეყნის საერთაშორისო ავტორიტეტი, იმის გამო, რომ ქალბატონი ზურაბიშვილი დღევანდელ თანამდებობაზე სწორედ ამ პროცესის შედეგად არის მოხვედრილი და თავად იქცა სიმბოლო, ამ ყველაფრის გამო „ევროპული საქართველო“ იყენებს პოლიტიკური ბოიკოტის უფლებას, არ დაესწრება ამ სხდომას და ტოვებს დარბაზს“, - განაცხადა გიგა ბოკერიამ.