„ქართული ოცნება“ სავარაუდოდ ირაკლი კობახიძის ჩანაცვლების სქემაზე მუშაობს. პარლამენტის თავმჯდომარე, რომელიც ბოლო პერიოდში თანაგუნდელების თუ ყოფილი თანაგუნდელების მხრიდან კრიტიკის საგანი ბევრჯერ გამხდარა, შესაძლოა თანამდებობიდან გადააყენონ. არსებობს ვერსია, რომ ირაკლი ღარიბაშვილის პოლიტიკურ ასპარეზზე დაბრუნება სწორედ ამას უკავშირდება.

ვრცელდება ინფორმაცია, რომ „მეორედ მოსული“ ღარიბაშვილი შესაძლოა ქართულმა ოცნებამ მთაწმინდის მაჟორიტარის არჩევნებში კანდიდატად წამოაყენოს. პარლამენტში ეს ადგილი ვაკანტური მას შემდეგ გახდა, რაც სალომე ზურაბიშვილი პრეზიდენტად იქნა არჩეული. ვარაუდობენ, რომ პარლამენტში შესულმა ღარიბაშვილი სპიკერის პოსტს დაიკავებს.