„თიბისი ბანკის“ საქმე - გუშინ პარლამენტში საკომიტეტო ფორმატის ფარგლებში ბანკის დამფუძნებლებს მოუსმინეს. მამუკა ხაზარაძემ არა ერთი სკანდალური განცხადება გააკეთა. ხაზარაძის თქმით მან შს მინისტრისგან გიორგი გახარიასგან მუქარის შემცველი წერილი მიიღო.

„ევროპული საქართველო“ აღნიშნულ საქმეზე პარლამენტში დროებითი საგამოძიებო კომისიის შექმნას მოითხოვს:

„ეს არის მაღალი ინტერესის მქონე საქმე, რომელზეც პარლამენტი ვალდებულია მოახდინოს რეაგირება და ვალდებულია შექმნას საგამოძიებო კომისია. მით უმეტეს, რომ ბატონმა ხაზარაძემ პირდაპირ განაცხადა, რომ ის მზად იქნება ყველა დოკუმენტაცია წარუდგინოს კომისიას. ამიტომ ჩვენ დღეს ოფიციალურად უკვე ამ ინიციატივას დავაყენებთ, დავიწყებთ ხელმოწერების შეგროვებას იმ დეპუტატებში, რომელიც თანახმა იქნება, რომ ასეთი კომისია შეიქმნას,“-განაცხადა დავით ბაქრაძემ.

„ერთიანი ნაციონალური მოძრაობის“ წევრის სალომე სამადაშვილის განცხადებით, საგამოძიებო კომისია შეიძლება შეიქმნას, მაგარამ როგორც სხვა შემთხვევბში ამ შემთხვეაშიც ნაკლებად გამოიღებს შედეგს:

„საგამოძიებო კომისია შეიძლება შეიქმნას, მაგრამ როგორც ჩვენ ეს გვინახავს სხვა შემთხვევებშიც, ამას არანაირი შედეგი არ მოყვეს. იმიტომ, რომ უმრავლესობას და ხელისუფლებას არ აქვს არანაირი პოლიტიკური ნება რეაგირება გააკეთოს მსგავსი საგამოძიებო კომისიის მიერ დადებულ შედეგებზე,“-ამბობს სალომე სამადაშვილი.

კომისიის შექმნის იდეას არ იზიარებენ საპარალამენტო უმრავლესობაში:

„ნებისმიერ განცხადებაზე, რომელთან დაკავშირებით პასუხის გაცემისგან თავს იკავებენ, დეტალიზაციისგან თავს იკავებენ, კონკრეტული შინაარსისგან თავს იკავებენ, კომისიები შევქმენით, საქართველოს პარლამენტი ვერ აუვა ამას. რა ფორმა ჰქონდა ამ წერილს, ამის გახმოვანებისგან თავს იკავებს. ვიდრე ცოტა მეტი დეტალი არ გვეცოდინება, არასერიოზული ხდება ამ თემაზე საუბარი,“-ამბობს პარლამენტის, ფრაქცია „ქართული ოცნების“ თავმჯდომარე მამუკა მდინარაძე.