"თუ გინდათ, არ ვიყოთ ამ პროექტში, ეგეც კაცურად გვითხარით" - ხაზარაძის თქმით ანაკლიის პორტის განხორციელებას პრობლემები ექმნება

პოლიტიკა - 17:37, 04 Mar, 2019

1064

თიბისი ბანკის დამფუძნებლის თქმით, იმ მდგომარეობის გამო რაც თიბისი ბანკის გარშემო განვითარდა, სამწუხარო კომენტარები მოდის ანაკლიის პორტის ინვესტორებისგანაც:

„არ დარჩენილა არცერთი ევროპული ელჩი, ან ბანკის პირველი პირები, ან მეორე პირები, რომლებიც არ ჩამოვიდნენ და არ შეხვდნენ მთავრობასა და ეროვნულ ბანკს. ეუბნებოდნენ, რომ ასეთი მიმართულებით ამ საკითხის განვითარება არ შეიძლება და ეუბნებოდნენ, რომ ანაკლიას ჩვენ ამ ფორმატში ჩვენ ხელს ვერ მოვაწერთ.

მე დაგანახეთ, რომ არც ბანკს ვეფარები და არც ანაკლიას. მე გადავდექი, რომ არ ჩამეყენებინა ბანკი მძიმე მდგომარეობაში, მაგრამ როგორც მიდის ახლა პროცესები და თქვენ იცით, რომ დამთავრდა უკვე ყველა შესწავლა, ყველა ბანკის მიერ და 600 მილიონს უნდა მოვაწეროთ ხელი მაისი-ივნისის თვეში. მე წარმოუდგენლად მიმაჩნია, რომ ჩვენი მონაწილეობით ამ სიტუაციაში მოხდეს ამ კონტრაქტის დახურვა. გადავადება ამ სიტუაციაში გამოწვეული არის იმის გამო, რომ ჩვენი დამფინანსებელი 4 ბანკი, რომელი 400 მლნ დოლარზე მუშაობს, მათთვის მიუღებელია 8 პუნქტი ამ ხელშეკრულებაში not bankable. სახელმწიფო ერთის მხრივ ამბობს რომ ეს არის მნიშვნელოვანი და მეორეს მხრივ მიდის ჩვენი დისკრედიტაცია სწორედ იმ ბანკებთან, რომლებიც ერთის მხრივ არიან ჩვენი პარტნიორები და უნდა მოვაწეროთ ხელი 600 მილიონიან პაკეტის დახურვას მაის-ივნისში. მათ პირდაპირ თქვეს, რომ ისინი ვერ გააფორმებენ ჩვენთან ხელშეკრულებას იმიტომ რომ არსებობს უამრავი თემა, სანამ არ დაიხურება ეს თემა და ნათელი არ მოეფინება... თუ ამოცანა სხვა არის, რომ ჩვენ არ ვიყოთ ამ პროექტში, ეგეც კაცურად გვითხარით და გავიგებთ, მაგრამ ეს ფორმა არ არის სწორი.“-განაცხადა მამუკა ხაზარაძემ.