"გპირდებით, რომ ამას გავასაჯაროებ"- ხაზარაძე გახარიასგან მიღებულ წერილზე

პოლიტიკა - 15:35, 04 Mar, 2019

1179

მამუკა ხაზარაძის ინფორმაციით, პროკურატურა შს მინისტრ გიორგი გახარიასგან მიღებული მუქარის წერილის შესახებ ინფორმირებული იყო, თუმცა სამი პროკურორიდან ამ საკითხით არცერთი დაინტერესებულა.

„საოცრება ის არის, რომ მე ამის შესახებ ჩემი დაკითხვის ოქმში ვთქვი და ამის მერე სამმა პროკურორმა კითხვაც კი არ დამისვა. მე ვუთხარი, რომ ჩემზე არის შემოტევა, მუქარა და ეს არის ჩაწერილი. არავინ არ დაინტერესდა, არათუ საქმე აღძრა. ამის ნაცვლად 9 იანვარს გააკეთეს საშინელი განცხადება, რომელმაც პირველი 90 მილიონის ზარალი მიაყენა ჩვენ ინვესტორებს. ამიტომ თქვენს კითხვაზე განვაცხადე თუ არა პროკურატურაში გპასუხობთ - ისე განვაცხადე როგორც ყველა კანონმორჩილი მოქალაქე გააკეთებდა. რატომ არ ასაჯაროებს პროკურატურა ჩემი დაკითხვის ოქმს თუ საიდუმლო გირიფი არ აქვს, რატომ არის ამოგდებული 17 მლნ-ის თემა და ერთიანობაში არ არის მიწოდებული საზოგადოებისთვის ინფორმაცია რომელსაც სიმართლეში გარკვევა უნდა? ძალიან ცოტა იმედი მაქვს, რომ ყველაფერი გაირკვევა ამ ქვეყანაში, ამიტომ გპირდებით, რომ ამას გავასაჯროებ, მაგრამ გავასაჯაროებ მაშინ, როცა იქნება საგამოძიებო ორგანო შექმნილი, რომელსაც ამაზე რეაგირების საშუალება ექნება. გავასაჯაროებ მაგრამ არა ამ ფორმით და არა ჟურნალისტებთან, რომ მერე რაღაცა ორთქლი გამოვიეს და ეს თემა დამთავრდეს.“- განაცხადა ხაზარაძემ.