სამი ადამიანი დაიღუპა და რამდენიმე დაშავდა დაახლოებით ერთი საათის წინ, ვაზიანი-გომბორი–თელავის გზაზე, გომბორის უღელტეხილზე მომხდარი ავტოსაგზაო შემთხვევის შედეგად.

როგორც „საზოგადოებრივი მაუწყებლის“ ჟურნალისტი რომან ქევხიშვილი წერს, დაშავებულთა შორის მცირეწლოვანი ბავშვიცაა.

„ნიუპოსტის“ მიერ მოპოვებული დამატებითი ინფორმაციით, ერთმანეთს „მერსედესის“ მარკის ავტომანქანები შეეჯახნენ.

ორივე მძღოლი და ერთი მგზავრი ადგილზე გარდაიცვალნენ.

ადგილზე მოსულ სამაშველო სამსახურის ბრიგადას სპეცტექნიკის გამოყენება დასჭირდა, რათა ცხედრები მანქანებიდან გადმოეყვანა.

მძიმედ დაშავდა სამი მცირეწლოვანი, მათგან ორი „ამსტელ ჰოსპიტალში“ გადაიყვანეს, ერთი კი იაშვილის სახელობის კლინიკაშია გადაყვანილი.

შენიშვნა: ფოტოილუსტრაცია.