SOCAR-ი საქართველოში ბუნებრივი აირის მიწოდებას 11%-ით ზრდის

პოლიტიკა - 13:06, 03 Mar, 2019

847

Day.Az-ის ინფორმაციით, აზერბაიჯანი საქართველოში გაზის მიწოდებას 11%-ით გაზრდის.

2019 წლის ორ თვეში აზერბაიჯანის სახელმწიფო კომპანია SOCAR-მა საქართველოში 500 მილიონი კუბური მეტრი ბუნებრივი აირის იმპორტი განახორციელა. წლის ბოლომდე მიწოდება 1მილიარდ 260 მილიონ კუბურ მეტრს შეადგენს.

როგორც SOCAR-ში აცხადებენ 2019 წელს სახელმწიფო ნავთობკომპანია ყველა პრობლემის გათვალისწინებით საქართველოს დაახლოებით 2,45 მილიარდ კუბურ მეტრ ბუნებრივ აირს მიაწვდის, რაც 2018 წლის მაჩვენებელზე 11%-ით მეტია.

რაც შეეხება გაზგასამართ სადგურებს (აგს), ბოლო მონაცემებით SOCAR-ი საქართველოში 113 აგს ფლობს.

SOCAR-ი საქართველოში აზერბაიჯანის საბადოებიდან მოპოვებული ბუნებრივი აირის ექსპორტს ახორციელებს. როგორც კომპანიაში აცხადებენ, გაზის მოპოვება ხდება „შაჰ დენიზის“ საბადოზე, აზერბაიჯანის სახელმწიფო კომპანიის და უცხოელი ინვესტორების მონაწილეობით.

ამ დროისათვის SOCAR-ი საქართველოში ბუნებრივი აირის ძირითადი მომწოდებელია. ასევე ნავთობის და ნავთობპროდუქტების. SOCAR-ის შვილობილი კომპანიები ცდილობენ ქვეყანაში გაზგამანაწილებელი სისტემის განვითარებას. ფლობენ ნავთობის ტერმინალებს საქართველოს შავიზღვისპირეთში - ყულევში, საიდანაც აზერბაიჯანული ნავთობი მსოფლიო ბაზარზე გადის.