ჯანდაცვის კომიტეტის თავმჯდომარე აცხადებს, რომ საჭიროა სიგარეტის შემდეგ აქციზის ფასი გასახვევ თამბაქოზეც გაიზარდოს. ზოიძის თქმით, თამბაქოს იმპორტი და გაყიდვა მკვეთრად გაიზარდა, ფასის მატების ამოცანა არის ის, რომ ადამიანებმა ცოტა მოწიონ ან თავი დაანებონ მოწევას. ზოიძის განცხადებით გასახვევ თამბაქოზე აქციზის ფასი გაიზრდის რეკომენდაციას იძლევა ჯანდაცვის მსოფლიო ორგანიზაციაც:

„მოიმატა აქციზის ფასმა ფილტრიანსა და უფილტრო თამბაქოზე, ახლა დარჩა გასახვევი თამბაქო, ე.წ საბითუმო თამბაქო, რომელზეც გადავიდა საზოგადოების ნაწილი, რადგან უფრო იაფი გამოდის. გასახვევი თამბაქოს იმპორტი 16 000 დოლარი იყო და ხლა 8 მილიონამდე გაიზარდა. აქციზის ფასის ზრდის თაობაზე ჯანდაცვის მსოფლიო ორგანიზაციამ მოგვმართა, მე მივმართე მთავრობას და ახლა მთავრობის გადასაწყვეტია. არგუმენტები, რომ რა ქნას ღარიბმა მოსახლეობამ არ მიიღება, იმიტომ, რომ მათ სიღარიბეს განაპირობებს სწორედ ის, რომ მათ არ შეუძლიათ ეს ფული, ამ დამღუპველ ჩვევაზე დახარჯული ფული, რომლითაც შეუძლიათ უზარმაზარი ეკონომია მიიღონ, მოახმარონ თავიანთ თავებს და თავიანთი შვილების ჯანმრთელ კვებას და სხვა საჭიროებების დაკმაყოფილებას. აქციზი არის ძალიან მნიშვნელოვანი ფაქტორი, რომლითაც ხდება პრევენცია."- განაცხადა ზოიძემ