ქვეწარმავლები და ანტისანიტარია ნახევრად დანგრეულ საბავშვო ბაღებში - ყვარლის სოფლებში მოსახლეობა დახმარებას ითხოვს

პოლიტიკა - 22:50, 01 Mar, 2019

1398

ყვარლის მუნიციპალიტეტის რამდენიმე სოფელი - გრემი, ალმატი და წიწკანაანსერი, საბავშვო ბაღების გარეშე დარჩა. კომპანია, რომელსაც ბაღების რემონტისთვის 145 ათასი ლარი ბიუჯეტიდან წინასწარ ჩაურიცხეს, ქვეყნიდან გაიქცა, ადგილობრივმა ხელისუფლებამ კი ტენდერი ხელახლა უნდა გამოაცხადოს და თანხაც მეორედ გამოყოს. ბავშვებს კი გარემონტებულ შენობაში სწავლა ნოემბრის თვეში უნდა დაეწყოთ.

ადგილობრივი ხელისუფლება მოსახლეობის პრეტენზიებს ვერაფრით პასუხობს, წიწკანაანთკარში, ბაღის შენობაში, სადაც ანტისანიტარიაა, ქვეწარმავლები არიან. მოსახლეობამ გასულ ზაფხულს ადგილობრივ ხელისუფლებას დახმარებისთვის მიმართა, მაგრამ უშედეგოდ. აქ სამუშაოები რამდენიმე თვეა მიმდინრეობს, კომპანიამ 400 ათასი ლარი მიიღო შენობის რემონსტისთვის, თუმცა სამუშაოები ამ დრომდე არ დასრულებულა.
ადგილობრივები ამბობენ, რომ მათი თხოვნა იყო, ბავშვები მეორე სოფელში ეტარებინათ, თუმცა ეს ხელისუფლებამ არ გაითვალისწინა.
"არ არსებობს კონტროლი და ზედამხედველობა. დაუსრულებელია, ვადაგადაცილებულია და როგორ სძინავს მერს, როცა მოსახლეობა ამ მდგომარეობაშია" - აცხადებს ენმ-ის პოლიტსაბჭოს წევრი, კახეთის რეგიონული ორგანიზაციის თავმჯდომარე გიორგი ბოტკოველი.