"სამართალდამცავთა რეფორმირების ცენტრის" ხელმძღვანელი, ზვიად კუპრავა მისი დაკავების მომენტში შს სამინისტროს მხრიდან უფლებამოსილების გადამეტებაზე საუბრობს.

კუპრავას განცხადებით, მისი აყვანა ძალისმიერი მეთოდებით საჭირო არ იყო.

მისი თქმით, მან ბრიფინგი ჩაატარა და თქვა, რომ არსად იმალებოდა.

"დაკავების მომენტამდე, არც გამომძიებელს, არც პროკურორს დაურეკავს. ძალისმიერი გაყვანა ჩემი სამუშაო ოფისიდან საჭირო არ იყო. არავის ჩემთვის არ დაურეკავს და არ უთქვამს, რომ აღკვეთი შეცვლილი მქონდა. ეს პროკურორისგან ტელევიზიით მოვისმინე, მაგრამ აღკვეთი რომ შემეცვალა, ხომ შეიძლებოდა ეთქვათ?! როგორც 40-იან წლებში, დილით, მძინარეს ათეულობით პოლიციელი დამადგა და ძალის გამოყენებით წამიყვანეს. მთლიანად დალურჯებული ვიყავი ტანზე, ფეხებზე, როგორც ვიცი მეუღლესაც მიაყენეს ფიზიკური შეურაცხყოფა. ქართული მართლმსაჯულების სინდიდის პატიმარი ვარ", - განაცხადა კუპრავამ.