"ანაკლიის პორტის პროექტი მეგაპროექტია, რომელზეც გამოკვეთილი ინვესტორი აქამდე არ დამინახავს"

"ანაკლიის პორტის პროექტი მეგაპროექტია, რომელზეც გამოკვეთილი ინვესტორი აქამდე არ დამინახავს" - ცქიტიშვილი

პოლიტიკა - 17:30, 01 Mar, 2019

889

უმრავლესობის დეპუტატი, დიმიტრი ცქიტიშვილი "თიბისი ბანკისა" და ანაკლიის პორტის ირგვლივ განვითარებულ მოვლენებზე საუბრისას აცხადებს, რომ ის ამ პროცესებს კარგად არ იცნობს შესაბამისად უჭირს კითხვაზე პასუხის გაცემა, იქონია თუ არა გავლენა „თიბისი ბანკის“ გარშემო განვითარებული პროცესებიმა ინვესტორებზე.

დეპუტატის თქმით, გარკვეული პირების მხრიდან "თიბისი" ბანკის საქმეზე სპეკულაცია მიმდინარეობს.

„ანაკლიის პორტის პროექტი არის მეგაპროექტი, რომელზეც კონკრეტული გამოკვეთილი ინვესტორი აქამდე მე არ დამინახავს... მე მართალი გითხრათ, დეტალებს არ ვიცნობ, ვინ არის დაკითხული, ვინ არ არის დაკითხული. უბრალოდ მესმის პოლიტიკურ სივრცეში გარკვეული სპეკულაციები იმისთვის, რომ ეს სპეკულაციები დასრულდეს, კარგი იქნება პარლამენტში მოვუსმინოთ იმ ადამიანებს, ვისზეც არის საუბარი, მამუკა ხაზარაძესა და ჯაფარიძეს. საბოლოოდ გამოძიების დასკვნებსაც დავუცადოთ. გავიგოთ, რამდენად აქვს ეჭვებს საფუძველი თუ არა. ანაკლიის პორტის პროექტი არის მეგაპროექტი, რომელზეც კონკრეტული გამოკვეთილი ინვესტორი აქამდე მე არ დამინახავს. ამ შემთხვევაში ჰყავდა თუ არა ინვესტორი, იყო თუ არა მოძიებული უკვე კონკრეტული სქემები, მე არ ვიცი და ჯერ კონკრეტული სქემები მათი მხრიდან არ დამინახავს, ვგულისხმობ ანაკლიის პორტს. ამიტომაც, ამ პროცესმა შეუშალა ხელი თუ მანამდე არ იყო მოძიებული, ვერ გეტყვით,“ - განაცხადა დიმიტრი ცქიტიშვილმა.