"დელეგიტიმაციის პროცესი დაწყებულია, ეს იყო გაყალბებული არჩევნები, მმართველი გუნდი ორმოს ითხრის"- შარაშენიძე

პოლიტიკა - 16:04, 01 Mar, 2019

1125

საპრეზიდენტო არჩევნების მიმდინარეობასთან დაკავშირებით ეუთოს მძიმე დასკვნას "ნიუპოსტთან" ექსპერტი თორნიკე შარაშენიძე ეხმაურება.

მისი თქმით, "ეს იყო გაყალბებული არჩევნები".

"ეუთოს შეფასება, რომ არ ყოფილიყო, ჩვენ რა არ ვიცოდით?! ციდან ხომ არ ვართ ჩამოფრენილები?! ხომ ვიცოდით, რომ არჩევნები ჩატარდა უამრავი, დიდი დარღვევით. საერთოდ, უცხოელ დამკვირვებლებს რჩებათ ხოლმე რაღაცები, მაინც უცხოელები არიან და ისეთ რაღაცებს ვერ ამჩნევენ, რასაც ჩვენ მარტივად ვამჩნევთ, მაგრამ იმათაც კი თვალში მოხვდათ, ეს მძიმე დარღვევები. ჩვენ შეგვიძლია წარმოვიდგინოთ კიდევ რა დარღვევები ხდებოდა, რაც მათ ვერ შეამჩნიეს"- განაცხადა შარაშენიძემ.

შარაშენიძის შეფასებით, საპრეზიდენტო არჩევნების დელეგიტიმაციის პროცესი დაწყებულია.

ჯერ-ჯერობით კრიზისი არ გვიდგას, რომ საქმე მივიდეს სამოქალაქო დაპირისპირებამდე, თუმცა დელეგიტიმაციის პროცესი პრინციპში მიდის და ეს გამოიწვია არამხოლოდ ამ არჩევნებმა, მოსამართლეების სიამ და კიდევ უამრავმა სხვა ფაქტორმა, რითაც მმართველი გუნდი თავისთვის ორმოს ითხრის. დელეგიტიმაციის პროცესის ერთ-ერთი ნაწილი არის სწორედ ეს გაყალბებული არჩევნები"- აღნიშნა შარაშენიძემ.

ეუთოს მიერ საქართველოს საპრეზიდენტო არჩევნებთან დაკავშირებით გამოქვეყნებულ შემაჯამებელ დასკვნაში არჩევნების პირველ და მეორე ტურს შორის მოქალაქეებისთვის ვალების განულების პროგრამა „ხმების მოსყიდვად“ არის მოხსენიებული.