"ნურც პროკურატურას, მთავრობას, ნუ დაავიწყდება რომ საქართველო არის ომში... ამიტომ ანაკლია უნდა განხორციელდეს - „ევროკავშირი-საქართველო ბიზნეს საბჭოს" გენერალური მდივანი

პოლიტიკა - 19:30, 28 Feb, 2019

1063

თიბისი ბანკის საქმე - „ევროკავშირი-საქართველო ბიზნეს საბჭოს" გენერალური მდივანი ზვიად ჭუმბურიძე მიმდინარე პროცესებს ეხმაურება.

მისი თქმით, ქვეყნისთვის ძალიან მნიშვნელოვანია, რომ ანაკლიის პროექტი განხორციელდეს და მისი ჩაშლა რუსეთის ინტერესში შედის.

„ის რაც ჩვენ ვნახეთ პარლამენტში, ამას ხომ ელჩები ხედავენ?! ამას ხომ ხედავენ, რომ ელემენტარული მოსმენა უნდა მისცე საშუალება, რომ ბიზნესს და ნებისმიერს ვთქვათ ამ შემთხვევაში კომპანიას, როდესაც ასეთი ქეისია, ასეთი შემთხვევა, ელემენტარულად მოუსმინო. თუ ამას ამის საშუალებას არ მისცემს , სწორედ ეს იწვევს კითხვებს. ნურც პროკურატურას, ნურც მთავრობას, ნურც საზოგადოებას, ნურც ბიზნესს ნუ დაავიწყდება, რომ საქართველო დღეს არის ომში, 20% არის ოკუპირებული და პრაქტიკულად სამხედრო ბაზები გვიდგას თბილისიდან დაახლოებით 35 კილომეტრში და იცით აფხაზეთშიც რა ხდება. გამომდინარე აქედან ანაკლია უნდა განხორციელდეს და ამას ალტერნატივა არ უნდა ჰქონდეს. ეს არ ნიშნავს, რომ ფოთის პორტი არ განვითარდეს, განვითარდეს ფოთის პორტი, მაგრამ რა უშლის ხელს იმას, რომ ყველამ ერთად რაღაცა ვთქვათ ასე, რომ ნებისმიერი პროექტი, რომელიც შენ ევროპასთან დაგაახლოვეს, ქვეყანას გააძლიერებს, ეს უნდა განვითარდეს. რუსებს რა თქმა უნდა თავისი ინტერესი აქვთ და ეს ინტერესი 28 წლის მანძილზე არ შეჩერებულა. თქვენ რა გგონიათ, რომ რახან დიპლომატიური ურთიერთობა არ არის, რა აქ არ არიან ის ადამიანები ვინც რუსეთზე მუშაობენ? ძალიან კარგად ვხედავთ რაც ხდება, როგორ ძალისხმევითაც არის, თუნდაც ის პირდაპირ გეტყვით, არასასიამოვნო და ძალიან ცუდი განცხადება კარასინის, რა უფლება აქვს საგარეო საქმეთა მინისტრის მოადგილეს დამოუკიდებელ ქვეყანას ესეთ რაღაც დავარქვათ მუქარით ელაპარაკოს?" - აღნიშნა ჭუმბურიძემ.