"ეს იყო პასუხი კომიტეტის ჩაშლილ განხილვაზე, არ შეიძლება პროკურატურის კომპეტენცია იყოს სესხის გაცემის შეფასება"- ბადრი ჯაფარიძე

პოლიტიკა - 17:01, 28 Feb, 2019

1139

"თიბისი ბანკის“ თანადამფუძნებელი ბადრი ჯაფარიძე გენერალური პროკურატურის მიერ დღეს გაკეთებულ განცხადებას ეხმაურება და ამბობს, რომ ქვეყნისა და ბანკის რეპუტაციას ყველა უნდა გაუფრთხილდეს.

“დღევანდელი განცხადება იყო გამეორება 2019 წლის 8 იანვრის განცხადების. ჩემი ღრმა რწმენით, ეს იყო პასუხი კომიტეტის ჩაშლილ განხილვასთან დაკავშირებით. მე ვფიქრობ, რომ ასეთი განცხადება ძალიან დიდ ზიანს აყენებს ქვეყნის რეპუტაციას. ჯერ ერთი, ბრალდება მე არ მომისმენია. იქ ჩამოთვლილი იყო ტრანზაქციები. სანდომიანმა ქალბატონა გააკეთა შეფასებები წმინდა საბანკო ოპერაციების, რომელიც ჩემი რწმენით, არის ეროვნული ბანკის კომპეტენცია. არანაირად არ შეიძლება პროკურატურის კომპეტენცია იყოს -სესხის გაცემის შეფასება. ბალანსს გარეთ სესხის გატანა ეს არ არის არანაირად პროკურატურის კომპეტენცია. მინდა ყველას მოვუწოდო, რომ ობიექტური ანალიზი გააკეთონ, გაუფრთხილდნენ ქვეყნის და ყველაზე წარმატებული ინდუსტრიის რეპუტაციას," -განაცხადა ბადრი ჯაფარიძემ.

რაც შეეხება ანაკლიის პორტის მშენებლობას, ბადრი ჯაფარიძის განცხადებით, ვერავინ და ვერაფერი ვერ შეუშლის ხელს ამ პროექტის განხორციელებას.

"ანაკლიის პროექტთან დაკავშირებით ანაკლიის ჯგუფი აგრძელებს თანამშრომლობას მსოფლიოს წამყვან ბანკებთან და განცხადებები თითქოს რომელიმე მათგანმა უარი თქვა პროექტში მონაწილეობაზე არასწორია"- თქვა ჯაფარიძემ.

TBC ბანკის ერთ-ერთი დამფუძნებელი მოუწოდებს ყველას, რომ მსგავსი განცხადებებისგან თავი შეიკავონ, რადგან ეს აზიანებს როგორც პროექტს, ასევე სახელმწიფო ინსტიტუტების რეპუტაციას.