პორნო ვიდეოს ისტორია- "პოლიციასთან ერთად გავხსენი"- მათიკაშვილი

პოლიტიკა - 14:43, 28 Feb, 2019

2190

"ქართული ოცნების" დეპუტატი, დავით მათიკაშვილი "გირჩის" მიერ მასთან დაკავშირებით გავრცელებულ სკანდალურ ინფორმაციას "ნიუპოსტთან" ეხმაურება.

უმრავლესობის დეპუტატი, განმარტავს, რომ მას პორნო ვიდეო არ ჩამოუტვირთავს და შეტყობინება სამართალდამცავებთან ერთად გახსნა.

"სიმართლეს არ შეესაბამება ინფორმაცია, რომ ჩამოვტვირთე, ეს არის ტყუილი. 26 თებერვალს ნამდვილად მივიღე ეს შეტყობინება გვიან საღამოს. იმავე ღამეს, 12 საათის შემდეგ მივმართე პოლიციას, აქვე პარლამენტში მოხდა კიბერდანაშაულთან მებრძოლი ჯგუფთან ერთად ამ ვიდეოს გახსნა, ანუ პროცესუალური მოქმედებები დაიწყეს. მანდ ნახეს უკვე, რომ არავითარი პირადი ინფორმაციის შემცველი ვიდეო არ იყო, თუმცა ამის მიუხედავად მაინც გაგრძელდა პროცესუალური მოქმედებები და დღეს ზეპირი გამოკითხვის ოქმიც შედგა გამომძიებელთან"- განაცხადა დავით მათიკაშვილმა.

„გირჩის“ ლიდერი ზურაბ ჯაფარიძე მის მიერ ჩატარებული ექსპერიმენტის შესახებ ფეისბუკზე წერს:

„გუშინწინ რომ დეპუტატებს პორნოს ბმული გავუგზავნე

აგერ იურიდიული კომიტეტის თავმჯდომარის მოადგილემ არა მხოლოდ მიიღო ეს ბმული, არამედ .. wait for it ... გადმოქაჩა და უყურა

ანუ, ვაზუსტებ:

იურიდიული კომიტეტის თავმჯდომარის მოადგილემ, ოფიციალურ, პარლამენტის ელ. ფოსტის მისამართზე მიიღო ბმული სათაურით - ‘პოლიტიკოსის ჯგუფური სექსი’, რის შემდეგაც დააჭირა ჩამოტვირთვის ღილაკს და ჩაუჯდა საყურებლად

მტკიცებულება - სქრინზე პირველი ხაზი

ჰოდა, იმ ხალხს რისთვის სვამენ 4-დან 8 წლამდე?“- წერს ზურაბ ჯაფარიძე.