რა აწუხებს პუტინის რუსეთს - საქართველოს საგარეო პოლიტიკაში უფრო აქტიურად ჩნდება NATO-ს დღის წესრიგი

პოლიტიკა - 13:48, 28 Feb, 2019

1235

გუშინ, პრაღაში აბაშიძე-კარასინის შეხვედრის დაწყებამდე, რუსეთის საგარეო საქმეთა მინისტრის მოადგილე გრიგორი კარასინმა განაცხადა, რომ ქართველი კოლეგების გაფრთხილება სურს მოსალოდნელ უსიამოვნებებთან დაკავშირებით, თუმცა რას გულისხმმობდა ამაში არ დაუკონკრეტებია. შეხვედრის დასრულების შემდეგ კი ამასთან დაკავშირებით რუსულ მედიასთან ისაუბრა:

„პირიქით ჩვენ ვცდილობთ მოვუწოდოთ საქართველოს, რათა ჩვენს ურთიერთობებში მოულოდნელი უსიამოვნებები არ იყოს, საქმე იმაშია რომ საქართველოს საგარეო პოლიტიკაში უფრო აქტიურად ჩნდება NATO-ს დღის წესრიგი. უფრო ხშირად ტარდება ნატოს მასშტაბური სწავლებები, ამასთან საქართველო ხელს უწყობს იმას, რომ მასში მონაწილეობა მიიღონ, რეგიონის სხვა ქვეყნებმა, მაგალითად სომხეთმა“- აღნიშნა კარასინმა.

კარასინმა საქართველოს ხელისუფლების წარმომადგენლების განცხადებებზეც გააკეთა კომენტარი:

„ხშირია ქართველი პოლიტიკოსების მკვეთრი განცხადებები, დაწყებული ახალარჩეული სალომე ზურაბიშვილით, ასევე მამუკა ბახტაძის და დავით ზალკალიანი. ისინი საუბრობენ ნატოში ინტეგრაციის დაჩქარებაზე, ეგრეთ წოდებულ „რუსულ საფრთხეზე დემოკრატიულ ევრობაში“ და ასე შემდეგ. ბუნებრივია ეს ჩვენ გვაწუხებს, ეს ხელს არ უწყობს რუსეთსა და საქართველოს შორის ურთიერთობის ატმოსფეროს გაძლიერებას."- განაცხადა კარასინმა.