საქართველოს საერთაშორისო სავაჭრო პალატის თავმჯდომარემ ფადი ასლიმ აშშ-ის ელჩს საქართველოში „თიბისი ბანკის“ საქმეზე, ანაკლიის პორტის პროექტსა და კორუფციაზე ინფორმაცია მიაწოდა.

ფადი ასლის განცხადებით, არსებულ საკითხებზე ინფორმაციას დაინტერესებულ პირებს საქართველოს გარეთაც მიაწვდის:

„ელჩს საქართველოში არსებულ სიტუაციასთან დაკავშირებით ინფორმაცია მივაწოდეთ. საინვესტიციო კლიმატზე, ბიზნეს გარემოზე, სასამართლო სისტემის პრობლემებზე, კორუფციასა და კლანებზე. რა თქმა უნდა, ვისაუბრეთ TBC საქმეზე და ანაკლიაზე. მივაწოდეთ ჩვენი ინფორმაცია და თუ რა ხდება ამ ყველაფრის მიღმა. თუ როგორ იყენებს ბატონი ივანიშვილი სახელმწიფო სტრუქტურებს იმ ადამიანებზე შურის საძიებლად, ვინც არ მოსწონს, რომ ზიანი მიაყენოს TBC-ის და ანაკლიის პროექტს. გზავნილს მივაწვდით საქართველოს ფარგლებს გარეთაც, რადგან ქვეყნის მართვის ეს მაფიოზური სტილი და საქართველოს 90-იან წლებში დაბრუნება ყოვლად მიუღებელია და ის უნდა შეწყდეს,“ - განაცხადა ფადი ასლიმ.