პრაღაში რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის, ზურაბ აბაშიძისა და რუსეთის საგარეო საქმეთა მინისტრის მოადგილის, გრიგორი კარასინის მორიგი შეხვედრა იმართება. გრიგოლი კარასინმა სკანდალური განცხადება გააკეთა და განაცხადა , რომ ქართველი კოლეგები უსიამოვნო მოულოდნელობების შესახებ უნდა გააფრთხილოს, თუმცა არ დაუკონკრეტებია, თუ რა უსიამოვნო მოულოდნელობები ჰქონდა მხედველობაში.

საპარლამენტო უმრავლესობის წევრის, დიმიტრი ცქიტიშვილის განცხადებით, ოპოზიცია ამ საკითხით სპეკულირებას უნდა შეეშვას:

„ფორმატების გარეშე და ფორმატებზეც, დაახლოებით, იგივე განცხადებებს აკეთებს. მისთვის კატეგორიულად მიუღებელია საქართველოს დასავლური ინტეგრაცია, დემოკრატიზაცია, ნატოში ინტეგრაცია და ევროკავშირში გაწევრიანება. ის გამოხატავს თავის ნეგატიურ დამოკიდებულებას ამაზე. ეს არის ის, რა რეალობაშიც ბოლო 25 წელია, ვცხოვრობთ. შესაბამისად, მას ყოველთვის ექნება ასეთი განცხადება. როგორი ფორმატიც არ უნდა შევთავაზოთ, ასეთი განცხადებები იქ იქნება. სპეკულაციებს, კარგი იქნება, ოპოზიცია შეეშვას. ამ კონკრეტულ საკითხში მაინც დავინახოთ, რომ არსებობს სახელმწიფოს ერთი მიდგომა. მუქარა სულ მომდინარეობს, ამაში ახალი არაფერია. ეს არის ძველი რუსული პოლიტიკა. ეს რუსული პოლიტიკა ეწინააღმდეგება ჩვენს ეროვნულ ინტერესებს,“ - განაცხადა დიმიტრი ცქიტიშვილმა.