"ხელისუფლებამ ჩათვალა, რომ ხაზარაძის განმარტებები მათთვის საზიანო იქნებოდა და სხდომა ჩაშალა"

"ხელისუფლებამ ჩათვალა, რომ ხაზარაძის განმარტებები მათთვის საზიანო იქნებოდა და სხდომა ჩაშალა" - გია ხუხაშვლი

პოლიტიკა - 16:01, 27 Feb, 2019

737

„თიბისი ბანკის“ საქმე - გუშინ, პარლამენტში მისულ მამუკა ხაზარაძესა და ბადრი ჯაფარიძეს არ მოუსმინეს. აღსანიშნავია, რომ საკომიტეტო სხდომაზე დეპუტატებს ხაზარაძის განცხადებებისთვის უნდა მოესმინათ, მაგრამ კომიტეტის სხდომაზე მისულმა ეროვნული ბანკის პრეზიდენტმა კობა გვენეტაძემ, დახურული სხდომის ჩატარება მოითხოვა, რასაც ოპოზიციის მხრიდან პროტესტი მოჰყვა. აღნიშნულის შემდეგ კი კომიტეტის სხდომა ისე დასრულდა, რომ არც კი დაწყებულა.

საკითხი „ნიუპოსტთან“ საუბრისას ექსპერტმა გია ხუხაშვილმა შეაფასა და მომხდარს სამარცხვინო და წარმოუდგენელი უწოდა:

„სამარცხვინო და წარმოუდგენელი რაღაც იყო, ასეთი რაღაც არც მახსოვს ამ ქვეყნის ისტორიაში. როდესაც მიგყავს ადამიანი განმარტებების გასაკეთებლად და მერე არ ალაპარაკებ. სისტემური კრიზისის ერთ-ერთი გამოვლინება ვნახეთ ამ საკომიტეტო სხდომაზე, სამწუხაროდ. ფაქტია, ჩათვალეს, რომ პოლიტიკურად მათთვის არ იქნებოდა სასარგებლო, რომ ხაზარაძეს შესაბამისი განმარტებები გაეკეთებინა, ხელისუფლბამ ჩათვალა, რომ ეს იქნებოდა საზიანო და აქედან გამომდინარე ჩაშალეს.