საქართველოს პრეზიდენტი ოფიციალური ვიზიტით აზერბაიჯანს სტუმრობს, აზერბაიჯანის პრეზიდენტის ილჰამ ალიევის თქმით, აზერბაიჯანი ამ ვიზიტს დიდ მნიშვნელობას ანიჭებს, მისი თქმით, ისტორიულ მეგობრობაზე დაფუძნებული ურთიერთობები დღეს მაღალ დონეზეა ეკონომიკის, პოლიტიკის და სხვა სფეროებში. ილჰამ ალიევის შეფასებით, ის ფაქტი, რომ სალომე ზურაბიშვილი აზერბაიჯანს ეწვია საქართველოს პრეზიდენტად არჩევიდან მოკლე ხანში, აჩვენებს, რამდენად მნიშვნელოვანია მისთვის ორი ქვეყნის ურთიერთობები.

"ჩვენ პირისპირ შეხვედრაზე რეგიონული პრობლემები განვიხილეთ, ორმხრივი და მრავალმხრივი ურთიერთობები და კიდევ ერთხელ დავინახეთ, რომ ყველა საკითხთან დაკავშირებით ჩვენი მოსაზრებები ერთმანეთს ემთხვევა.

დარწმუნებული ვარ, რომ ეს ვიზიტი, ჩვენს ქვეყნებს შორის ურთიერთობების განვითარებისათვის მნიშვნელოვანი ნაბიჯი იქნება.

ჩვენ ერთად მრავალი საკითხი მოვაგვარეთ. აზერბაიჯანი და საქართველო ახლო მეგობრები და მოძმე ქვეყნები არიან, რომლებიც საუკუნეების განმავლობაში კეთილმეზობლურ ატმოსფეროში მუშაობდნენ.

დღეს ვითარდება ჩვენი ურთიერთბები ერთობლივად ვახორციელებთ პროექტებს, რომლებიც მნიშვნელოვანია ჩვენი ქვეყნებისა და კონტინენტისათვის.

საქართველო და აზერბაიჯანი ტერიტორიულ მთლიანობასთან მიმართებაში ყველა საერთაშორისო ორგანიზაციაში სოლიდარობას უცხადებენ და მხარს უჭერენ ერთმანეთს" - განაცხადა ილჰამ ალიევმა.

აზერბაიჯანის პრეზიდენტმა ისაუბრა საქართველოსთან ერთობლივი პროექტების, ბაქო-თბილისი-ჯეიჰანის ნავთობსადენის, ბაქო-თბილისი-ერზერუმის გაზსადენის და ბაქო-თბილისი-ყარსის რკინიგზის რეგიონულ და საერთაშორისო მნიშვნელობაზე.

„ამ პროექტებს მოაქვთ დიდი სარგებელი ჩვენი ქვეყნებისთვის, ბაქო-თბილისი-ყარსის რკინიგზის გახსნასთან დაკავშირებით იზრდება ტვირთების გადაზიდვა, პირველ ეტაპზე ვარ, მაგრამ ვხედავთ მის სარგებელს. ჩვენ ვართ სწორ გზაზე, ბაქო-თბილისი-ყარსის რკინიგზის გახსნის შემდეგ, აზერბაიჯანი თავის მეზობლებთან, კასპიის აღმოსავლეთში მდებარე ქვეყნებთან მიაღწევს შეთანხმებებს, რის შემდეგაც ტვირთბრუნვა უფრო გაიზრდება. სამხრეთ გაზის კორიდორის რეალიზება თითქმის სრულდება, მოხდა მისი ოფიციალური გახსნა. ეს ახალი კორიდორი შესაძლებლობას მოგვცემს, რომ კონტინენტები გაერთიანდნენ. აზერბაიჯანი, საქართველო და თურქეთი ტრადიციული მეგობრული ფორმატით გააგრძელებენ საქმიანობას. დღეს ყველა საკითხებზე გვქონდა აზრთა გაცვლა, მათ შორის ჰუმანიტარულ სფეროში, კულტურულ, განათლების, ტურიზმის სფეროებში თანამშრომლობაზე გვქონდა აზრთა გაცვლა. აზერბაიჯანში მცხოვრები აზერბაიჯანელები და აზერბაიჯანში მცხოვრები ქართველები დიდი როლს თამაშობენ ჩვენი ურთიერთობების განვითარებაში.“ – განაცხადა ალიევმა.