"ხელისუფლება, რომელსაც არ ესმის საკუთარი მოსახლეობის, იხდის ძალიან ძვირ პოლიტიკურ ფასს, რაც ხელისუფლების დათმობას ნიშნავს"- მამუკა კაციტაძე

პოლიტიკა - 12:09, 27 Feb, 2019

727

„მოძრაობა მილიონი ხელმოწერისთვის“ – 20 ოპოზიური პარტია 2020 წლისთვის არჩევნების პროპორციულ სისტემაზე გადასვლის საკითხზე მსჯელობს.

„ახალი მემარჯვენეების“ ერთ-ერთი ლიდერის მამუკა კაციტაძის განცხადებით, მილიონი ხელმოწერის შეგროვებით, მსოახლეობა ხელისუფლებას აკუთარ ხმას გააგონებს:

„15 თებერვალს დარეგისტრირდა საქართველოს პარლამენტში საკონსტიტუციო ცვლილება და ჩვენ დღეიდან, 20 ოპოზიცური პარტია, საპარლამენტო და არასაპარლამენტო, კანონის თანახმად, ვიწყებთ ხელმოწერების შეგროვებას, რათა შევცვალოთ ის სიმახინჯე, რასაც ჰქვია მაჟორიტარული სისტემა, რომელიც ხელისუფლებას აძლევს მანდატების მოპარვის საშუალებას. კანონით განსაზღვრულია 200 ათასი ხელმოწერა, რასაც ჩვენ მარტივად და მალევე შევაგროვებთ, მაგრამ კამპანიის სახელწოდება არის ასეთი - „მოძრაობა მილიონი ხელმოწერისთვის“, მილიონი ხელმოწერა სამართლიანი არჩევნებისთვის, ჩვენ შევაგროვებთ საქართველოს მასშტაბით, დღეიდან ყველა მუნიციპალიტეტში, ქალაქებში, სოფლებში ჩვენი მოქალაქეების მხარდაჭერის მილიონ ხელმოწერას და ხელისუფლებას, რომელსაც აქამდე არ ესმოდა, არც ოპოზიციის, არც სამოქალაქო საზოგადოების, არც საერთაშორისო საზოგადოების, გავაგონებთ საკუთარი მოსაზლეობის ხმას. რომ მათ არ უნდათ ის სიმახინჯე, რასაც ჰქვია მაჟორიტარული სისტემა, მათ არ უდნათ, რომ ხელისუფლებები იპარავდნენ მანდატებს.

გასაგებია, რომ შეიძლება არსებობდეს ასეთი აზრიც, რომ შეგროვდება ეს ხელმოწერები, მაგრამ ხელისუფლება არ შეისმენს ახლა უკვე საკუთარი მოსახლეობის აზრს. ესეთი მარტივი და ტრივიალური ლოგიკა და ჭეშმარიტება არსებობს. ხელისუფლება, რომელსაც არ ესმის საკუთარი მოსახლეობის, იხდის ძალიან ძვირ, პოლიტიკურ ფასს, ხშირად ეს ფასი ხელისუფლების დათმობასაც ნიშნავს ხოლმე. ვნახოთ რა არჩევანს გააკეთებს „ქართული ოცნება“ ამ შემთხვევაში“, - განაცხადა კაციტაძემ.

მისივე თქმით, გადასაწყვეტია ბევრი საპროცედურო საკითხი, რაზეც ოპოზიციის წარმომადგენლები დღევანდელ შეხვედრაზე იმსჯელებენ:

15 თებერვლიდან დღემდე გვქონდა გარკვეული ორგანიზაციულის ამუშაოები გასაკეთებელი, თუ როგორ მოხდება ხელმოწერების შეგროვება, იქნება ხელმოწერების შეგროვება პოლიტიკური პარტიების აქტივის მიერ, იქნება მოხალისეების მიერ, იქნება ერთობლივი გასვლები, ამ ყველაფერს სჭირდება კარგი დაგეგმარება, სჭირდება კარგი პიარი, ამას გარდა, გვინდა, რომ გვქონდეს შეხვედრები საერთაშორისო ორგანიზაციების წარმომადგენლებთან, გვექნება შეხვედრები არასამთავრობო ორგანიზაციებთან, ამიტომ ეს პროცესი, სამთვიანი თუ ოთხთვიანი პროცესი, რომელიც ხელმოწერების შეგროვებისთვის არის გამოყოფილი, ბუნებრივია, საჭიროებს კარგ ორგანიზებას, მაგრამ პროცესი გაგრძელდება მას შემდეგ, რაც კამპანიურ ხასიათს შეიძენს ხელმოწერების შეგროვება და პარლამენტში საკითხის განხილვის პარალელურად, ისევ გაგრძელდება პროცესი, რომ ის უნდა იყოს კამპანიური, რათა საზოგადოებამ დაინახოს, ეს არ არის ვინმეს ახირებული მოთხოვნა, ეს არის სამართლიანი მოთხოვნა, ნუ მოიპარავ მანდატებს.