"ხელისუფლებას რომელიც უკვე განიცდის ნგრევას აუცილებლად მოუწევს დათმობებზე წასვლა, პროპორციულ სისტემაზე გადასვლა უალტერნატივოა"- ბაჩუკი ქარდავა

პოლიტიკა - 11:57, 27 Feb, 2019

838

სამოქალაქო მოძრაობა „მილიონი ხელმოწერა სამართლიანი არჩევნებისთვის“ – 20 ოპოზიციური პარტი თბილისში „ქორთიარდ მარიოტში“ არის შეკრებილი.

შეხვედრის დაწყებამდე, ჟურნალისტებთანს აუბრისას გაერთიანებული ოპოზიციის „ძალა ერთობაშიას“ ერთ-ერთმა ლიდერმა და „ეროვნულ-დემოკრატიული პარტიის“ ლიდერმა ბაჩუკი ქარდავამ განაცხადა, რომ 2020 წლისთვის პროპორციულ სისტემაზე გადასვლა არის უალტერნატივო და მოსახლეობის მხარდაჭერის პირობებში, ხელისუფლებას დათმობებზე წასვლა მოუწევს:

“პროპორციული სისტემა იძლევა საშუალებას, რეალურად აისახოს საქართველოს პარლამენტში, ქართველი ამომრჩევლის არჩევანი და ნება. მე გეტყვით, რომ ეს არის უპრეცედენტო, როდესაც თითქმის ყველა პოლიტიკური ორგანიზაცია, ხელისუფლების გარდა, არის შეთანხმებული იმაზე, რომ პროპორციულ სისტემაზე გადასვლა 2020 წელს არის უალტერნატივო, რომ ჩატარდეს სამართლიანი და დემოკრატიული არჩევნები. სწორედ ეს კონსოლიდაცია, ის კონსესუსი, რომელიც არსებობს საზოგადოებაში, პოლიტიკურ სპექტრში და აქვს ამას მხარდაჭერა საერთაშორისო დონეზეც, გვაძლევს იმის საშუალებას, მილიონი ამომრჩევლის მხარდაჭერის ფონზე ხელისუფლება წავიდეს დათმობაზე. პროპორციული სისტემა იმდენად მნიშვნელოვანი საკითხია საქართველოს პოლიტიკურ დღის წესრიგში, რომ აქ ხელისუფლებას, რომელიც უკვე განიცდის ნგრევას, აუცილებლად მოუწევს, წავიდეს დათმობებზე, ამაში დარწმუნებული ვარ“, - განაცხადა ბაჩუკი ქარდავამ.