"განცხადება ილია მეორეს არ დაუწერია, საპატრიქრქოს დისკრედიტაციას მე კი არა ის ჯგუფი ცდილობს, ვინც დეკანოზის წერილის გასაჯაროებას მოითხოვს"- მამალაძე

პოლიტიკა - 15:23, 26 Feb, 2019

1229

ე.წ. ციანიდის საქმეზე მსჯავრდებულის, მამა გიორგი მამალაძის ძმა, თორნიკე მამალაძე საპატრიარქოს განცხადებას ეხმაურება, რომლის თანახმადაც, საპატრიარქო მსჯავრდებული დეკანოზის სკანდალური წერილების გასაჯაროებას ითხოვს.
მამალაძე ამბობს, რომ წერილი წმინდა სინოდმა უნდა განიხილოს.

მეტიც, ბრალდებულის ძმა დარწმუნებულია, რომ საპატრიარქოს სახელით დღეს გავრცელებული განცხადება ილია მეორეს არ ეკუთვნის.

"ჩემი ძმა არ აღიარებს იმ დანაშაულს, რაც მას არ ჩაუდენია. რაც შეეხება საპატრიარქოს დისკრედიტაციას, რაშიც დღეს დაგვადანაშაულეს, მე არაერთხელ მითქვამს, აქ ჩემი დგომა არ არის ეკლესიის წინააღმდეგ მიმართული, აქ დგომის მიზეზი ჩემი ოჯახის წევრის დაცვაა. პირად საუბრებში მამა ანდრიას არაერთხელ უთქვას, რომ მას ჩემი ესმის, ჩემი საწინააღმდეგო არაფერი აქვს, ის თანამიგრძნობს, თუმცა დღეს ვნახეთ განცხადება, რომ თურმე მე დიდკრედიტაციას ვეწევი. დარწმუნებული ვარ, რომ ეს განცხადება არ იქნება პატრიარქის მიერ დაწერილი, განცხადება დაწერეს იმ ადამიანებმა, ვინც ჩემს ძმას ებრძვის"- განაცხადა თორნიკე მამალაძემ.
მისი თქმით, დეკანოზის სკანდალურ წერილს ვერ გაასაჯაროების მოთხოვნით საპატრიქროს ერთი ჯგუფი თავად ცდილობს მათი ხელმძღვანელის დისკრედიტაციას.

"წერილის ოთხივე ადრესატი თანხმდება, რომ ეს წერილი არ უნდა გასაჯაროვდეს და ის წმინდა სინოდზე უნდა იქნას განხილული. ეს იმას ნიშნავს, რომ ეს წერილი საჯაროდ განსახილველი არ არის. თუ საჯაროდ განიხილავენ წერილს, ეს იმას ნიშნავს, რომ ეკლესია მიიღებს დეიდ დარტყმას. სამწუხაროდ, საქართველოს საპატრიარქოს წარმომადგენლები თავად ცდილობენ, ეომ წერილი გასაჯაროვდეს რაც იმას ნიშნავს, რომ თვითონ ცდილობენ საპატრიარქოს და მათი ხელმძღვანელობის დისკრედიტაცია მოხდეს"- განუცხადა "ნიუპოსტს" მამალაძემ.
დეკანოზის ძმა დეკანოზ ანდრია ჯაღმაიძის მეორე მოთხოვნასაც ეხმაურება, რომლის თანახმადაც, პროკურატურამ დეკანოზის საქმის მასალები უნდა გაასაწაროვოს.

თორნიკე მამალაძის განცხადებით, ისინი სასამართლოს დაწყების დღიდან ითხოვდნენ როგორც სხდიმების საჯაროობას, ისე საქმის მასალების გამოქვეყნებას, თუმცა მაშინ საპატრიარქოს ხმა არ ამოუღია.

"ჩვენ ამ ოროცესების ღიად და გამჭვირვალედ ჩატარებას მოვითხოვდით. დეკანოზსს დასამალი არაფერი აქვს. საპატრიარქოსაც არაერთხელ მოვუწოდეთ, რადგან საქმე მათი ოჯახის წევრს ეხებოდა, მათაც მიემართათ სასამართლოსა და პროკურატურისთვის, რომ სხდომები ღია ყოფილიყო, თუმცა სამწუხაროდ ხმა არ ამოუღეს, არჩიეს რომ დახურული ყოფილიყო. ჩემი ძმა და მისი ოჯახი თანახმანი ვართ, პროკურატურამ დადოს ის მასალები, რაც სასამართლოში განხილული იყო"- თავა მამალაძემ.

საპატრიარქო დეკანოზ გიორგი მამალაძისგან სკანდალური წერილების გასაჯაროებას ითხოვს.
საქართველოს საპატრიარქოს პრესცენტრის ხელმძღვანელი, მამა ანდრია საგამოძიებო უწყებებსაც მიმართავს და ე.წ. ციანიდის საქმის მასალების გასაჯაროებისკენ მოუწოდებს.