„დღეს რაც ხდება მძმედ აისახება „ოცნების“ ხვალინდელ დღეზე, იმიტომ რომ ხალხის ხალხის წინააღმდეგ ჯერ არავის მოუგია“

„დღეს რაც ხდება მძმედ აისახება „ოცნების“ ხვალინდელ დღეზე, იმიტომ რომ ხალხის ხალხის წინააღმდეგ ჯერ არავის მოუგია“ - ჭიჭინაძე

პოლიტიკა - 13:46, 26 Feb, 2019

877

„ქართულ ოცნებაში“ მიმდინარე მოვლენები - დეპუტატ დავით ჭიჭინაძის განცხადებით, მიმდინარე მოვლენები მძიმედ აისახება პარტიის როგორც დღევანდელ დღეზე, ასევე ხვალინდელზე.

დავით ჭიჭინაძის განცხადებით, არსებობს გამოწვევები და მათ ქმნიან ის ადამიანები, რომლებსაც საზოგადოებაში ავტორიტეტი არ გააჩნიათ. დეპუტატი ასეთ ადამიანებად ვანო ზარდიაშვილსა და ირაკლი კობახიძეს ასახელებს:

„რადგანაც მმართველი გუნდი ხარ, ეს ერთი და ორი კაცის გადასაწყვეტი არ არის, საზოგადოების აზრთან თანხვედრაში უნდა იყო. მაშინ თავი უნდა დაანებო მმართველ პარტიობას და წახვიდე ოპოზიციაში და შეკრა ის ხალხი, რომელსაც ხალხში არ აქვს ავტორიტეტი და შეეცადო ამ უავტორიტეტო ხალხით ძალაუფლებაში მოსვლა. მაგრამ ახლა დღეს რაც ხდება, მე ვფიქრობ, რომ საკმაოდ მძიმედ აისახება „ქართული ოცნების“ როგორც დღევანდელ დღეზე, ისე ხვალინდელზე. იმიტომ რომ ხალხის წინააღმდეგ, ჯერ არავის არ მოუგია და შესაბამისად, კობახიძეები და ზარდიაშვილები და ეს ხალხი, ეს არის ჩვენი ამომრჩევლის გამოწვევა, რომელსაც ვერავინ, ჯერჯერობით ვერ მოუგო. ამიტომ, ეს ხალხი ისევ აღმოჩნდება გამარჯვებული. თუ უნდათ, შესაბამისად, უნდა გადადგან შესაბამისი ნაბიჯები. უნდა გათავისუფლდეს „ქართული ოცნება“ ამ გაუგებარი წარმონაქმნებისაგან,“ - განაცხადა დავით ჭიჭინაძემ.

დავით ჭიჭინაძე არ აკონკრეტებს შეუერთდება თუ არა ეკა ბესელიას გუნდს.