"ბიძინას დაქვემდებარებული ვიღაც საჯარო პირი არ ხართ, აქ დარჩებით იქამდე, სანამ ჩვენს კითხვებს არ უპასუხებთ"- სამადაშვილი გვენეტაძეს (ვიდეო)

პოლიტიკა - 12:37, 26 Feb, 2019

1462

კობა გვენეტაძის განცხადებამ, რომ „თიბისი-სთან“ დაკავშირებული საკითხის ასეთ სიტუაციაში განხილვა, არ არის მართებული" ოპოზიციის გაღიზიანება გამოიწვია. ფრაქცია "ნაციონალური მოძრაობის" წევრის, სალომე სამადაშვილის თქმით, "კობა გვენეტაძე, ივანიშვილს დაქვემდებარებული პირი არ არის, შესაბამისად, ის ვალდებუყლია "თიბისი ბანკის" შესახებ საზოგადოებას ამომწურავი პასუხი გასცეს.
"ვერ ხვდებით სად იმყოფებით ახლა?! თქვენ ესაუბრებით ხალხის არჩეულ წარმომადგენლებს. რომლებიც ცდილობენ გაერკვიონ რა ხდება ჩვენს სახელმწიფოში. როგორც ჩანს თქვენს დაქვემდებარებაში მყოფი ორგანო გამოიყენება სახალხო ინტერესების წინააღმდეგ. ვალს ნუ გვადებთ აქ რომ ხართ, მადლობა გვითხარით, რომ შესაძლებლობას გაძლევთ აუხსნათ საზოგადოებას რა ხდება ჩვენს თავს"- მიმართა დეპუტატმა ეროვნული ბანკის ხელმძღვანელს.
მისი თქმით, სხდომის გარკვეული ნაწილის დახურვა შესაძლებელია, თუმცა გვენეტაძემ ყველა კითხვას უნდა გასცეს პასუხი.
"რომ განიხილავდით იმას, აქ არ მოსულიყავით, ეს ნიშნავს იმას, რომ ვერ აცნობიერებთ რა პოზიცია გიკავით და ვის წინაშე ხართ ანგარიშვალდებული. ანგარიშვალდებული ხართ პარლამენტის წინაშე, როგორც გამტარი რგოლის ქართველ ხალხთან, რომელიც გიხდით ხელფასს. ბიძინასთან დაქვემდებარებული ვიღაც საჯარო მოხელე არ ხართ, ქართველ ხსლხს და სახელმწიფოს უნდა ემსახუროთ. ძალიან გთხოვთ, ტონი შეარჩიოთ. აქ დარჩებით მანამ, სანამ პასუხს არ გასცემთ ყველა ჩ ვენს შეკითხვას"- მიმართა სამადაშვილომა გვენეტაძემ.