"მე ვზრუნავ ბანკზე"- კობა გვენეტაძე TBC-ბანკის საქმეზე (ვიდეო)

პოლიტიკა - 12:19, 26 Feb, 2019

977

ეროვნული ბანკის ხელმძღვანელი კობა გვენეტაძე ამ წუთებში დარგობრივი ეკონომიკისა და ეკონომიკური პოლიტიკის კომიტეტის სხდომაზე სიტყვით გამოდის. მან TBC-ბანკის საქმეზე ისაუბრა და თქვა, რომ "ის ბანკზე ზრუნავს".
გვენეტაძე ამბობს, რომ ბანკთან დაკავშირებით გაკეთებული განცხადებების გამო მან საკუთარი იმიჯი დააზარალა, თუმცა მოიქცა ისე, როგორც უნდა მოქცეულიყო.
ამასთან, მისი თქმით, ამ დროსითვის ეროვნულ ბანკსა და TBC-ბანკს შორის დავა არ არსებობს. ნებისმიერი საკითხი კი სასამართლომ უნდა გადაწყვიტოს.
„თუკი არსებობს რომელიმე დავა ფიზიკური პირებიდან, ეს დავები გადაწყდება სასამართლოს მეშვეობით. ეროვნული ბანკის ფუნქციაა, შეასრულოს ის ვალდებულებები, რაც მას აკისრია. თუ არ შეასრულებს მათ, ეს ცუდი იქნება, როგორც ბანკისთვის, ასევე საფინანსო სექტორისთვის.
ჩემი, როგორც ეროვნული ბანკის პრეზიდენტის მოვალეობაა გითხრათ, რომ ასეთი სახის განხილვები ეროვნული ბანკის მიერ მიღებულ საზედამხედველო ფუნქციებთან დაკავშირებით, არ არის მართებული, რადგან ეს გამოიწვევს მოწყვლადობის შექმნას მთლიანად ფინანსურ სექტორში. ვფიქრობ, ამ საკითხის განხილვა ასეთ სიტუაციაში არ არის მართებული“