სამთავრობო ტროლი Avtandil Kereselidze ფეისბუქზე აღარ იძებნება

სამთავრობო ტროლი Avtandil Kereselidze ფეისბუქზე აღარ იძებნება - MDF კვლევა

პოლიტიკა - 01:17, 26 Feb, 2019

1746

სამთავრობო ტროლი ავთანდილ კერესელიძე (Avtandil Kereselidze) ფეისბუქის გვერდზე აღარ იძებნება. კვლევა “მედიის განვითარების ფონდმა” (MDF) სოციალურ ქსელებში თიბისი ბანკის წინააღმდეგ დაწყებული კამპანიის და ამ კამპანიის წყაროების იდენტიფიცირების მიზნით განახორციელა. მასალის გამოქვეყნების შემდეგ აღნიშნულმა ანგარიშმა (Avtandil Kereselidze) პოსტიც გაავრცელა, სადაც ის ამტკიცებდა, რომ მისი ანგარიში ყალბი არ იყო და ცრუ ბრალდებისთვის სასამართლოში ჩივილსაც გეგმავდა, თუმცა განცხადების გავრცელებიდან რამდენიმე საათში ექაუნთი აღარ იძებნებოდა.
MDF-ის კვლევის თანახმად, ავთანდილ კერესელიძის ყალბი პროფილი სოციალურ ქსელებში პრო-სახელისუფლებო გზავნილების გავრცელებით არის დაკავებული და ამავდროულად “ერთიანი ნაციონალური მოძრაობის” მადისკრედიტირებელ პოსტებს აქვეყნებს.
ანგარიშში ნათქვამია, რომ კლასიკური ტროლისგან განსხვავებით ავთანდილ კერესელიძის პროფილი არა ერთ პირად ფოტოს მოიცავს, რაც ქმნის განცდას, რომ ის რეალური პიროვნებაა. მისი თაიმლაინიდან ჩანს აქტივობები და მისი პირადი ინტერესები, როგორიცაა მაგალითად ე.წ. ჩექ-ინები გერმანიაში, პოსტები შთაბეჭდილებების შესახებ. მისი ფოტოებს ასევე ახლავს აღწერები. ერთ-ერთი ფოტოზე, რომელიც კერესელიძეს პირად ფოტოებში აქვს ატვირთული, ჩანს წარწერა Schüco, რაც ფანჯრებისა და კარების სისტემების გერმანულ კომპანიას წარმოადგენს. კერესელიძის მიერ ატვირთული სხვა ფოტოების yandex.people-ში გადამოწმებით, საძიებო სისტემამ იდენტური ფოტოები სხვადასხვა რუსულ გაცნობით პლატფორმებზე იპოვნა. ერთ-ერთ პლატფორმაზე კი მითითებული იყო, რომ ფოტო მომხმარებელს Karo Manukyan-ს ეკუთვნის, რომელიც ერევანში ცხოვრობს.