საქართველოს ფინანსთა მინისტრი ივანე მაჭავარიანი „თიბისი ბანკის“ საქმეზე საუბრისას, მიმდინარე მოვლენებს ანაკლიის პორტის პროექტს არ უკავშირებს.

მინისტრის თქმით, ლონდონის საფონდო ბირჟაძე „თიბისი ბანკის“ აქციები იმ ნიშნულზე მაღალია, ვიდრე დაცემამდე იქნებოდა:

„გამორიცხულია ამ ორი მოვლენების ერთმანეთთან დაკავშირება, ეს ე.წ. TBC-თან დაკავშირებული კითხვის ნიშნები, რომლებიც მოგვარდა და ეს არ იყო TBC-თან დაკავშირებული, ეს იყო რაღაც კონკრეტულ ტრანზაქციაზე კითხვები. მე მგონი მოგვარებულია, TBC-იმ ჯარიმა გადაიხადა, ეროვნული ბანკის მოთხოვნები სრულად დაკმაყოფილდა. თქვენ რომ ნახოთ ლონდონის საფონდო ბირჟაზე რა მოხდა, ნახავთ, რომ TBC-ის აქციები არა თუ დაუბრუნდა თავდაპირველ ნიშნულს, არამედ უფრო გაიზარდა. ეს კიდევ ერთხელ ადასტურებს, რომ ეს ინსტიტუცია არის მყარი. მე დარწმუნებული ვარ, რომ ანაკლიასთან დაკავშირებული ყველა გადაწყვეტილება, ყველა არსებული თუ პოტენციური ინვესტორის იქნება მხოლოდ და მხოლოდ დაფუძნებული იმაზე, თუ რამდენად მომგებიანი და მიზანშეწონილია ეს პროექტი,“ - განაცხადა ივანე მაჭავარიანმა.