გაერთიანებული ოპოზიციის „ძალა ერთობაშიას“ ერთ-ერთი ლიდერის დავით კირკიტაძის საქმე - პროკურორის განცხადებით, პარლამენტის წევრები ვერ უზრუნველყოფენ კირკიტაძის სათანადო ქცევას.

სასამართლომ კირკიტაძე პატიმრობაში დატოვა, პროკურორ სანდრო გიორგაშვილის განცხადებით, სასამართლოს მიერ გამოტანილი დღევანდელი გადაწყვეტილება სამართლიანია.

"მიუხედავად ჩემი დიდი პატივისცემისა, პარლამენტის წევრები ვერ უზრუნველყოფდნენ მის სათანადო ქცევას, ვინაიდან იმ საპროტესტო აქციაზე იმყოფებოდნენ პარლამენტის წევრები. მიუხედავად მათი იქ ყოფნისა, დავით კირკიტაძემ მაინც ჩაიდინა დანაშაული. როგორ უნდა უზრუნველყონ მათ ამის შემდეგ მისი სათანადო ქცევა, - განაცხადა გიორგაშვილმა.

გურჯაანის რაიონულმა სასამართლომ დღეს გამართული პროცესის ფარგლებშ არ დააკმაყოფილა დავით კირკიტაძის ადვოკატის შუამდგომლობა, რომლის მიხედვითაც უფლებადამცველი 15 ათასი მოქალაქისა და პარლამენტის 27 წევრის პირადი თავდებობით აღკვეთის ღონისძიების ფორმის, პატიმრობის, გირაოთი შეცვლას ითხოვდა.