მამაცაშვილი, ფარცხალაძე, გეგეშიძე... ფიზიკური ანგარიშსწორების გამოუძიებელი ფაქტები და "პანღურისთვის" დაჭერილი ზვიად კუპრავა

პოლიტიკა - 12:52, 24 Feb, 2019

1756

ჩვენ ვართ დიდი ფარსის მომსწრენი - ასე შეაფასა ზვიად კუპრავას დაპატიმრება გაერთიანებული ოპოზიციის "ძალა ერთობაშია" ერთ-ერთმა ლიდერმა მურთაზ ზოდელავამ.

მისი თქმით, იმ ფონზე როცა მამაცაშვილის ოჯახის წევრების მიერ, რუსთავის მერის ცემის ფაქტი არ არის გამოძიებული, როცა ფარცხალაძის გარემოცვის წევრი ასევე ფიზიკურად გაუსწორდა მოქალაქეს, ხელისუფლება ოპზიციის წევრების მიმართ ანგარიშსწორებით არის დაკავებული.

"რაც შეეხება ორმაგ სტანდარტებს, მთელმა რუსთავმა იცის რომ არჩეული რუსთავის მერი იქნა ნაცემი, ფაქტიური პრემიერ-მინისტრის უჩა მამაცაშვილის ოჯახის წევრების მიერ და მთელი რუსთავი ამაზე საურბობს და გამოძიებაც არ დაწყებულა. ჩვენ ასევე ვიცით, რომ ადამიანის ცემას ჰქონდა ადგილი ფაქტიური გენერალური პროკურორის ფარცხალაძესთან დაახლოებული პირები მიერ და არც ამ ფაქტზე მომხდარა გამოძიების დაწყებაც კი. ასეთი ფაქტების მომსწრენი ვართ და როცა არსებობენ ფორმალური და რეალური თანამდებობის პირები, მამაცაშვილი და ფარცხალაძე და მათი ამალის წევრები, ამ დროს ხდება ფოკუსირება ოპოზიციური ველის მიმართ და მათი აქტივიტების განეიტრალება. მოვალეობის მოხდის მიზნითაც კი არ დაწყებბულა გამოძიება მერზე, რომელიც ხალხის მიერ იქნა არჩეეული, ეს იცის ყველამ და ამ ფაქტს ჰყავს ბევრი შემსწრე" - განაცხადა ზოდელავამ.

რაც შეეხება ოპოზიციის სმოქმედო გეგმებს, მისი თქმით, "ყველა რეალური ოპოზიციური ძალის წარმომადგენლები აპირებენ ბრძოლის გაგრძელებას, მიუხედავად იმისა, რაც აპრიებს ბატონი გახარია და რა მაქინაციებით აპირებს აქტიური ადამიანების განეიტრალებას. ის, რომ ამით რამე შეიცვლება ქვეყანაში, არის აბსურდი" - აღნიშნა მურთაზ ზოდელავამ.

დღევანდელ ბრიფინგზე ზვიად კუპრავას დაპატიმრების ფაქტე ისაუბრა ენმ-ის წევრმა, დეპუტატმა თინა ბოკუჩავამ და შერჩევითი სამართლის მაგალითად მან ჭიდაობის ფედერაციის სკანდალი მოივაბა და აღნიშნა, რომ ფედერაციის პრეზიდენტმა გეგეშიძემ, რომელმაც ჯაჭვით სცემა დათუნაშვილი, ევროპის ჩემპიონი, არათუ არ დაუჭერიათ, არამედ ისევ იმ თანამდებობაზე იმყოფება.