"ბატონო გახარია, არავის ეშინია თქვენი... შიში თქვენსკენ არის და ეს შიში გეტყობათ" - მურთაზ ზოდელავა ზვიად კუპრავას დაპატიმრებაზე

პოლიტიკა - 12:15, 24 Feb, 2019

1088

გაერთიანებული ოპოზიციის "ძალა ერთობაშიას ერთერთი ლიდერის მურთაზ ზოდელავას განცხადებით, ზვიად კუპრავა მისი პოლიტიკური აქტიურობისთვის დააკავეს.

„თვალ-ყურს ვადევნებთ გამოცხადებული სიკვდილის ქრონიკას, რომელიც აწარმოეს ზვიდა კუპრავასთან მიმართებაში. ის არის გამორჩეული ლიდერი ოპოზიციის და ჩვენ ყველამ ვიცოდით, რომ მას დასჯიდნენ იმიტომ რომ ის იყო აქტიური. გახარიას უწყებამ მიიღო ეს დავალება, როგორც ყოველთვის ივანიშვილისგან და მათ ყველაფერი მოიმოქმედეს იმისთვის, რომ გაენეიტრალებინათ ის და მოეთავსებინათ ციხეში. ეს მოხდა იმავე მექანიზმით, რომელსაც ამ ბოლო პერიოდში იყენებს შინაგან საქმეთა სამინისტრო. ეს არის 2 აბსურდული ბრალის მექანიზმი. პირველი აბსურდული ბრალის დროს ხდება გირაოს შეფარდება და შემდეგ მეორე აბსურდული ბრალის საფუძველზე ხდება ამ გირაოს გაუქმება და მსხვერპლის, ამ შემთხვევაში ზვიად კუპრავას დაკავება," - აცხადებს მურთაზ ზოდელავა.

მისი თქმით, ეს მექანიზმი გამოიყენეს დავით კირკიტაძის შემთხვევაშიც და მომავალშიც გამოიყენებენ სხვა ოპოზიციურ ლიდერებთან მიმართაც, რადგან ქართულ ოცნებას გააჩნია შიში და პირველ რიგში ხალხის უკმაყოფილების შიში და ისინი ცდილობენ გაანეიტრალონ ის ადამიანები, რომელთაც აქვთ უნარი იყვნენ აქტიურები ასეთ პერიოდში, - აცახდებს ზოდელავა.

ზოდელავა ასევე აცხადებს, რომ ასეთი მეთოდებით ივანიშვილი და ქართული ოცნება ვერ მიაღწევს მიზანს.

„ჩვენ დანებებას არ ვაპირებთ, ბატონო გახარია, არავის ეშინია თქვენი. შიში თქვენ გეტყობათ, რაც ხდებოდა ბოლო 48 საათის განმავლობაში. შს სამინისტროს დაეტყო, რომ კუპატარაძე, ეს ცნობილი ზონდერი აღარ არის სამინისტროში და ეტყობა გახარია მოძიების პროცესში იყო ახალი ზონდერის და ეს მოახერხეს 48 საათის გნმავლობაში.“- განაცხადა ზოდელავამ.