ჭიდაობის ეროვნულ ფედერაციაში პრეზიდიუმის სხდომა გდასრულდა. შეხვედრაზე 11 იანვარს მოჭიდავე ზურაბ დათუნაშვილსა და ფედერაციის პრეზიდენტ გეგა გეგეშიძეს შორის მომხდარი ინციდენტი განიხილეს.

არსებული ინფორმაციით, გეგეშიძემ დათუნაშვილს ბოდიში მოუხადა.

"ბოდიში მოიხადა... თუ ეს ადამიანი პრეზიდენტად უნდათ, იყოს მათი პრეზიდენტი, მე გამიშვან, შერიგებას არ ვაპირებ"- უთხრა დათუნაშვილმა ჟურნალისტებს.

მისი თქმით, ვეტერანები და პრეზიდიუმის წევრები საუბრობდნენ, რომ შერიგების შძემდეგ არავინ დაიჩაგრება, რისიც სპორტსმენს არ სჯერა.

"ამბობდნენ, რომ უნდა შევრიგდეთ, ერთი ოჯახი ვართ, ამ შერიგების შემდეგ კი არავინ არ დაიჩაგრება. ჩემი პოზიცია იყო ისეთი, რომ მე ამ ადამიანთან ვერ ვიქნები. თუ ეს ადამიანი პრეზიდენტად უნდათ, იყოს მათი პრეზიდენტი. მე გამიშვან. თუ არ გამიშვებენ, დამბლოკონ. ვეტერანებმა და პრეზიდიუმის წევრებმა მითრეს, რომ ეს უკვე მათ აღარ ეხებათ და უნდა შეათანხმონ ოლიმპიურ კომიტეტთან, სპორტის სამინისტროსთან და პარლამენტთან. შეათანხმონ, მე ველოდები. მე შერიგებას არ ვაპირებ", - განაცხადა დათუნაშვილმა.

თავის მხრივ გეგეშიძემაც ღიად თქვა, რომ სპორტსმენს ნ~ბოდიში მოუხადა:

"ვუწვდი მეგობრობის ხელს, ვინანიებ ჩემს საქციელს. ბოდიშს ვუხდი საზოგადოებასც"- თქვა გეგეშიძემ.