ქალაქ ფოთის მუნიციპალიტეტის საბიუჯეტო ხარჯები სახელმწიფო აუდიტის სამსახურმა შეამოწმა. შედეგად გამოვლინდა, რომ ფოთის მერის მოადგილეებზე დანამატები კანონდარღვევით გაიცა. საუბარია ჯამში 13 700 ლარზე.

გაირკვა, რომ 2016 და 2017 წლებში ფოთის მერის მოვალეობას მოადგილეები ასრულებდნენ და ამისთვის მათზე სახელფასო დანამატები გაიცა, მაგრამ სახელფასო დანამატის გაცემის აღნიშნული წესი არ ვრცელდება მუნიციპალიტეტის მერიის-გამგებლის მოადგილესა და გამგეობის-მერიის სტრუქტურული ერთეულის ხელმძღვანელზე.

აუდიტის სამსახურში მიაჩნიათ, რომ მერიამ უნდა უზრუნველყოს ზედმეტად გადახდილი თანხების ბიუჯეტში დაბრუნება.