5 მარტს, ბრიუსელში ევროკავშირისა და საქართველოს საბჭოს სხდომა გაიმართება, რომელზეც ასოცირების ხელშეკრულების შესრულების შესახებ ანგარიშს განიხილავენ. ამ თემებზე იყო საუბარი არასამთავრობო ორგანიზაციის წარმომადგენლებთან გამართულ დიკუსიაზე, რომელიც „ღია საზოგადოება საქართველოს“ მიერ იყო ორგანიზებული და რომელსაც ევროპარლამენტარი ანა გომესი ესწრებოდა. ანა გომესმა თავად გაიხსენა 600 ათასი ადამიანის ვალის ჩამოწერა საარჩევნო პერიოდში და აღნიშნა, რომ კითხვები „ქართუ ფონდთან“ უნდა დაისვას.

„ყველა საუბრობს „თიბისი ბანკზე,“ რომელიც როგორც მესმის, უკავშირდება „ომეგას“ საქმეს - ის გახმაურდა ზუსტად ბოლო არჩვენების მზადების პერიოდში და გამოააშკარავა ხელისუფლების უმაღლეს ვერტიკალში არებული კორუფციული სისტემა. რა თქმა უნდა, ეს საქმე მნიშვნელოვანია, იყოს გარკვეული, მაგრამ სერიოზული გამოძიება უნდა ჩატარდეს „ქართუ ბანკის“ მიმართაც, რომელმაც ვალები გაუუქმა 600 ათას ადამიანს. ეს მოხდა არჩევნების პერიოდში,“ - თქვა ანა გომესმა.

ამასთან, ანა გომესმა საქართველოზე ისე ისაუბრა, როგორც კრიპტოვალუტის გამომუშავების ჰაბზე და საფრთხეებზე, რაც შეიძლება ამ საკითხს უკავშირდებოდეს.