ბიძინა ივანიშვილმა მუქარა შეასრულა - „ქართული ოცნება - დემოკრატიული საქართველოდან“ ის დეპუტატები გარიცხეს, რომლებმაც ეკა ბესელიას კანონპროექრტს, შესაბამისად მოსამართლეთა უვადოდ დანიშვნის საკითხზე მორატორიუმის გამოცხადებას მხარი დაუჭირეს.

გარიცხულთა შორისაა დეპუტატი ოთარ ჩრდილელი. უმრავლესობა დაატოვებინეს კიდევ რამდენიმე დეპუტატს.

„ნიუპოსტის“ წყაროს ცნობით, როსტომ მეფის სასქახლეში მიმდინარე შეხვედრაზე, რომელსაც ბიძინა ივანიშვილი პირადად ესწრება მიმდინარეობს მოლაპარაკებები სწორედ იმ დეპუტატების გარიცხვაზე, რომლებმაც ივანიშვილის პირადი მითითებები არ შეასრულეს.

ჩვენი წყაროს მონაყოლის მიხედვით, „ოცნების სხადნიაკზე“ სიტუაცია რამდენჯერმე დაიძაბა.

ცნობითვის, დღეს „ტაბულამ“ გაავრცელა ინფორმაცია, რომლის თანახმადაც გუშინ გამართულ კენჭისყრამდე პარლამენტის თავმჯდომარემ ირაკლი კობახიძემ უმრავლესობის დეპუტატებს ბიძინა ივანიშვილის სახელით მესიჯი გაუგზავნა. მასში წერია, რომ ეკა ბესელიას ინიცირებული კანონპროექტის მხარდაჭერა ქართული ოცნების და საპარლამენტო უმრავლესობის დატოვებას ნიშნავდა.