"რა რელსებზე დგანან? სად მიდიან?" - ვატო შაქარიშვილი, ჯაბა ჯიშკარიანი, დათო მაღრაძე... ბესელიას გუნდს "ოცნებიდან" განდგომილები უერთდებიან

პოლიტიკა - 16:21, 22 Feb, 2019

3783

საპარლამენტო უმრავლესობა სამმა დეპუტატმა დატოვა. ეკა ბესელიას, ლევან გოგიჩაიშვილის და ბექა ნაცვლიშვილის წავლის შედეგად, „ქართულმა ოცნებამ“ საკონსტიტუციო უმრავლესობა დაკარგა.

ეკა ბესელია ახალი გუნდის ჩამოყალიბებას გეგმას, რომლის წევრებადაც უმრავლესობიდან წასული დეპუტატების გარდა ჯაბა ჯიშკარიანი, დავით მაღრაძე და ვატო შაქარაშვილიც მოიაზრებიან.

შაქარაშვილის განცხადებით, იგი აგრძელებს იმ ღირებულებებისთვის ბრძოლას, რომლისთვის ამომრცეველმა წლების წინ მმართველი პარტია აირჩია:

„ჩემთვის ძვირფასი ადამიანები - ისინი არიან ადამაინები, ვისთან ერთადაც ბრძოლა დღეს არ დამიწყია, მე მათ გვერდით ვიყავი იმიტომ, რომ მაშინაც ვთვლიდი, ეს ადამიანები სიმართლის, ღირებულების სადარაჯოზე იდგნენ, რამაც 2012 წელს მოიტანა საბოლოო დიდი გამარჯვება დანაშაულებრივ რეჟიმზე. მე მიხარია, რომ ეს ადამიანები, ბესელია, გოგიჩაიშვილი, ფოფხაძე, დგანან ამ ღირებულებების სადარაჯოზე. როდესაც საკითხი ვინმეს წასვლაზე დგება, ვფიქრობ სხვასთან მიმართებით უნდა დაისვას ეს კითხვები, რა რელსებზე დადგნენ და სად მიდიან? მე ვფიქრობ რომ ეს ადამიანები ჩემი ჩათვლით ვაგრძელებთ იმ ღირებულებებისთვის ბრძოლას, რა ღირებყულებებისთვისაც არჩევნებში გავიმარჯვეთ" -განაცხადა ვატო შაქარაშვილმა ტვ პირველის ეთერში დიანა ტრაპაიძესთან.