ივანიშვილი აპატიმრებს ყველას, ვინც კი შუშის სასახლეში იდილიას ურღვევს - ასე აფასებს გაერთიანებული ოპოზიციის "ძალა ერთობაშია" ერთ-ერთი ლიდერი და ენმ-ს პოლიტსაბჭოს თავმჯდომარე ნიკა მელია სასამართლოს გადაწყეტილებას, რომელმაც ზვიად კუპრავას "ხერხემლის ქვედა ნაწილში ფეხის ამორტყმის" ბრალდებით პატიმრობა შეუფარდა.

"ხელისუფლება აგონიაშია -სიკვდილისწინა მდგომარეობაშია, ჩვენ თვალს ვადევნებთ ამ სახელისუფლებო ორგანიზმის რეაქციული და შეგუებითი ფუნქციების უკანასკნელ გამოვლენას.

სხვა არაფერი ჰქვია ზვიად კუპრავასთვის აღმკვეთ ღონისძიებად წინასწარი პატიმრობის შეფარდებას! პატიმრობას უფარდებენ პანჩურისთვის!

მოკლედ, აპატიმრებენ ყველას, ვინც კი იდილიას ურღვევს შუშის სასახლეში შეკეტილ ივანიშვილს. მიზეზი ხან ავტობუსზე შეხტომაა, ხან ხერხემლის ქვედა ნაწილში ფეხის ამორტყმა.

აგონიას სიკვდილი მოსდევს. ან ეს ხელისუფლებაა აგონიაში, და სადაცაა სული გაძვრება, ან მათი ლიდერი ივანიშვილი იმყოფება იმ კონდიციაში, რომ მალე კინოგმირ ფატიმასავით ხარხარით დაეშვება სოლოლაკიდან და როგორც ამ უბნელს, იმედი მაქვს ერთ-ერთ პირველს მექნება პატივი დავტკბე ამ სანახაობით.

ბრძოლა გამარჯვებამდე" - წერს ნიკა მელია