„ქართული ოცნების“ წევრმა, ეკა ბესელიამ პარლამენტის თავმჯდომარე ირაკლი კობახიძე სხდომაზე კიდევ ერთხელ გააკრიტიკა.

"ის არ არის ამ პარლამენტის ღირსეული თავმჯდომარე, მან ვერ შეძლო ამ პარლამენტის ღირსების დაცვა. ის შეშინებული იყო დეკემბრის ბოლო კვირას, როდესაც ვერ ბედავდა ხმა აემაღლებინა და ეთქვა, რომ არ შეიძლება იმ კომიტეტის სხდომის დანიშვნა და არ შეიძლება იმ 10 კაცის, სააკაშვილის ჯალათების დანიშვნა. წარსულით იზომება პოლიტიკოსი დღესაც და ის ადმიანები, როდესაც ჩვენ იმ რეჟიმის წინააღმდეგ ვიბრძოდით, ზოგი ჩირგვებში იჯდა, ზოგი მართლა გოგლიმოგლს ჭამდა, ოღონდ ცუდი არ არის გოგლიმოგლი, უდროო დროს არ უნდა მიირთვა და ზოგი იმ ჩირგვებიდან ისროდა და ის ადამიანები, რამდენიმე ამ გუნდში აღმოჩნდნენ - 2016 წლის შედეგებია ეს და საკუთარი თავი დაინახოს ყველამ. არასოდეს არ მექნება საერთო „ოცნებას“ დაირქმევს ის ადამიანი თუ კიდევ „სუპერ ოცნებას“, არასდროს არ მექნება საერთო, არასდროს არ ვიქნები ალიანსში და არასდროს არ ვიქნები იმ სათავეებთან, სადაც ის ადამიანები არიან" - აღნიშნა ბესელიამ.