პარლამენტის ვიცე-სპიკერის თამარ ჩუგოშვილის თქმით, პარლამენტმა შესაძლოა იუსტიციის უმაღლეს საბჭოში დანიშნული 5 წევრი გამოიწვიოს

„მინდა შემოგთავაზოთ შემდეგი გზა - თუკი იუსტიციის უმაღლესი საბჭო სულ მოკლე ხანში არ გააკეთებს განცხადებას უვადოდ დანიშვნების შეჩერების თაობაზე, მე ვფიქრობ, რომ ამ სიტუაციიდან გამოსავალი არის, რომ პარლამენტმა გამოიწვიოს ხუთივე წევრი, რომელიც ჩვენ დავნიშნეთ იუსტიციის უმაღლეს საბჭოში. მოსამართლეები ჩვენ მიერ დანიშნული წევრების გარეშე ვერ მიიღებენ ვერანაირ გადაწვეტილებას. ეს არის გამორიცხული. ისინი ყველას ნიშნავენ სწორედ ჩვენ მიერ დანიშნული იუსტიციის უმაღლესი საბჭოს წევრების მხარდაჭერით და ხმებით და ეს არის ფაქტი" - აღნიშნა პარლამენტის ვიცე სპიკერმა.