"რას აკეთებთ 6 წლის მანძილზე?"- სამადაშვილი "ოცნებას" მიმართავს

პოლიტიკა - 16:32, 21 Feb, 2019

847

"ნაციონალური მოძრაობის" ერთ-ერთი ლიდერი სალომე სამადაშვილი ამბობს, რომ მას წერტილოვანი ჩარევები სასამართლო სისტემაში არ მოსწონს, თუმცა დღეს, როცა ქვეყანაში არის ხანძარი, გასაგებია რომ შესაძლოა, ამ ხანძრის ჩასაქრობად საჭირო იყოს მსგავსი ჩარევა.

მისი თქმით, გაოცებას იწვევს არგუმენტები, რომ ამ კანონპროექტის მხარდაჭერით ისინუი წინააღმდეგობაშიმოდიან საქართველოს კონსტიტუციასთან.

"როგორც ჩანს, კოლეგებს დაავიწყდათ, რომ ქვეყანაში, სადაც არ არსებობს დამოუკიდებელი სასამართლო და დამოუკიდებელი მართლმსაჯულება იქ არც კონსტიტუცია და არც არანაირი მოქალაქის უფლებები არსებობს. სამწუხაროა, რომ დამოუკიდებელი მართლმსაჯულების ინსტიტუტის შექმნა დღეს, როდესაც შიდა დაპირისპირება დაიწყო მმართველ გუნდში მაშინ გახდა აქტუალური და არა მაშინ როცა 2012 წელს მოხვედით ხელისუფლებაში სწორედ ამ დაკვეთით საზოგადოებისგან. დიახ, მე არ ვაპირებ დღეს ამ ტრიბუნიდან დავიცვა სასამართლო, რომელიც ამ ქვეყანაში 2012 წლამდე არსებობდა და რას აკეთებთ 6 წლის მანძილზე? მომწონს თუ არა ეს ინიციატივა? მე არ მომწონს მსგავსი წერტილოვანი ჩარევები სასამართლო სისტემაში, მაგრამ დღეს როცა ქვეყანაში არის ხანძარი გასაგებია რომ შესაძლოა, ამ ხანძრის ჩასაქრობად საჭირო იყოს მსგავსი ჩარევა, თუნდაც არ მომწონდეს ის ფორმა, რომლითაც ეს უნდა განხორციელდეს“,- განაცხადა სამადაშვილმა.