საქართველოს რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, მთავრობა ანაკლიის პორტის პროექტს სრულად უჭერს მხარს. მისივე თქმით, მტავრობა აღებული ვალდებულებებისა და ინვესტიციების მოზიდვის ხელშეწყობის თავლსაზრისით მაქსიმუმს აკეთებს:

"უშუალოდ მთავრობა არის ამ პროექტით დაინტერესებული. რაც შეეხება უშუალოდ პროექტის განხორციელებას, კითხვები იყო გზასთან დაკავშირებითაც, რომელიც სახელმწიფოს მიერ აღებული ვალდებულებაა. მე მინდა, გითხრათ, რომ ჩვენგან ამ პროექტს საფრთხე არ ემუქრება. მთავარია, რომ უშუალოდ ანაკლიის განვითარების კონსორციუმმა წარმატებით შეძლოს იმ ვალდებულებების შესრულება, რაც აქვს აღებული. მიწის ნაკვეთების გამოსყიდვისთვის უკვე დახარჯულია 60 მილიონი ლარი. გზისა და რკინიგზის მოსაწყობად სატენდერო პირობები გადავამუშავეთ და უახლოეს დღეებში კონკურსი გამოცხადდება. საპარტნიორო ფონდს სუბორდინირებული სესხის სახით 100 მლნ-ის ჩადების ვალდებულება აღებული აქვს. ამასთან, ჩვენ მაღალი დონის ყველა შეხვედრაზე ვცდილობთ დავარწმუნოთ საერთაშორისო საფინანსო ინსტიტუტები პროექტის დაფინანსების საჭიროებაში. ახლა მთავარია ანაკლიის განვითარების კონსორციუმმა 400 მილიონის მოცულობის სესხის მობილიზება მოახერხოს" - აცხადებს მაია ცქიტიშვილი.

შეგახსენებთ, რომ „თიბისი ბანკის“ ირგვლივ მიმდინარე მოვლენებს, სწორედ ანაკლიის პორტის პროექტს უკავშირებენ. გაჟღერებული ინფორმაციის თანახმად, ყოველივე ბიძინა ივანიშვილს უკავშირდება.