პარლამენტის ფრაქცია „ნაციონალური მოძრაობის“ თავმჯდომარე რომან გოცირიძე აცხადებს, რომ ის, რაც „თიბისი ბანკთან“ მიმართებით მიმდინარეობს, არის პოლიტიკური დევნა. მისივე თქმით, არსებული ვითარება ანაკლიის პორტის პროექტზე ბიძინა ივანიშვილის ინტერესებს უკავშირდება:

„TBC ბანკის დევნა, ეს არის ფაქტობრივად, ფინანსურ ნაკადებზე და ანაკლიის სტრატეგიულ პორტზე ივანიშვილის მიერ ერთპიროვნული კონტროლის დამყარების მცდელობა. ეს არის პოლიტიკური დევნა, რასაც ჩვენ ვხედავთ, ვინაიდან, მას აქვს არა მხოლოდ ფინანსური დატვირთვა და ეკონომიკური, არამედ როგორც ჩანს მამუკა ხაზარაძეს ან მასთან დაკავშირებულ ადამიანებს ივანიშვილი მოიაზრებს ასევე პოლიტიკურ კონკურენტად,“ - განაცხადა რომან გოცირიძემ.