მოსამართლეთა შერჩევის პოცესის დახვეწასა და სასამართლო სისტემაში აუცილებელ ცვლილებებზე საუბრობს ევროკავშირის სასამართლოს მხარდაჭერის პროექტის ხელმძღვანელი.

რენატე ვინტერის განცხადებით, დასახვეწია რეგულაციები. ვინტერმა აღნიშნულის შესახებ პარლამენტში იურიდიულ საკითხთა კომიტეტის თავმჯდომარესთან შეხვედრისას ისაუბრა:

„საპარლამენტო ჯგუფებთან ძალიან მნიშვნელოვანი შეხვედრა გვქონდა რადგან აუცილებელია რამდენიმე კანონის შეცვლა. ამ ცვლილებამ უნდა შექმნას გარანტია, რომ მოსამართლეთა არჩევნის მექანიზმი სრულყოფილი გახდეს. როგორც ჩვენმა ექსპერტმა აღნიშნა და მეც მის რეკომენდაციას ვეთანხმები, მოსამართლეთა შერჩევის კრიტერიუმები უნდა დაიხვეწოს და კანონში ჩაიწეროს. კანონით უნდა განისაზღვროს არამხოლოდ კრიტერიუმები, არამედ მათი განმარტებები და ინდიკაციები. როდესაც კანონში არსებობს ჩანაწერი ვალდებული ხდები პროცესი საკანონმდებლო რეგულაციის თანახმად აწარმოო და თითოეული კანდიდატი ამ კრიტერიუმების მიხედვით შეაფასო. კანდიდატების დანიშვნა და წარდგენა უნდა იყოს დასაბუთებული. ხალხმა უნდა იცოდეს რატომ შეარჩიეს ეს კონკრეტული მოსამართლე ან რატომ არ დაუშვეს,“-განაცხადა რენატე ვინტერიმ.