“ევროპული საქართველოს” ერთ-ერთი ლიდერი, გიგა ბოკერია საპარლამენტო უმრავლესობას სთავაზობს, ქებისთვის ერთი დეპუტატი გამოყონ, მინისტრი ცქიტიშვილი, ყველას მაგივრად, ამ დეპუტატმა აქოს თავისი გამოსვლისას და ამით მინისტრიც და პარლამენტიც დროს დაზოგავენ.

“გთავაზობთ, ერთი დეპუტატი გამოყოთ, რომელიც თავის დროში გადაუხდის მინისტრს მადლობას, ყველას ნაცვლად და ამით დროს დავზოგავთ. დარწმუნებული ვარ, ქალბატონი მაიაც ამით კმაყოფილი იქნება, მისი დროის ფაქტორიდან გამომდინარე. ქების სათქმელად დეპუტატი კი მორიგეობით გამოყავით, გული რომ არავის დასწყდეს,” – მიმართა ბოკერიამ უმრავლესობის წევრებს.

რეგიონული განვითარებისა და ინფრასტრუქტურის მინისტრი საკანონმდებლო ორგანოში მინისტრის საათის ფორმატში იმყოფება.