საქართველოს სახალხო დამცველი ნინო ლომჯარია „თიბისი ბანკის“ ირგვლივ მიმდინარე მოვლენებთან დაკავშირებით მამუკა ხაზარაძესთან შეხვედრას გეგმავს. ამის შესახებ განცხადება დღეს თავად ომბუდსმენმა გააკეთა:

„იმისთვის, რომ მქონდეს პოზიცია „თიბისის“ საქმესთან დაკავშირებით, ვაპირებ, შევხვდე ბატონ ხაზარაძეს. მე მქონდა კომუნიკაცია და მან გამოხატა შეხვედრის სურვილი. თუ იქნება რაიმე, რაშიც სახალხო დამცველს შეუძლია დახმარება, მზად ვართ ეს დახმარება გავუწიოთ და ჩვენი მანდატისა და კომპეტენციის ფარგლებში ვიმოქმედოთ“,-განაცხადა ნინო ლომჯარიამ.